Foto: t.me/KZgovernment
Ishki ister ministriniń orynbasary Igor Lepeha qandai jaǵdaida qazaqstandyqtar atyna alaiaqtar rásimdegen nesie tolyq keshiriletinin túsindirdi, dep habarlaidy Kazinform agenttigi.
Onyń aitýynsha, alaiaqtardan zardap shekken turǵyndar Ishki ister ministrligine jii júginedi. Qolda bar ókilettikter sheńberinde IIM tergeýshileri bank mekemelerine tiisti usynymdar engizedi, sonyń negizinde azamattarǵa mundai kreditter boiynsha tólemder men esepteýler ýaqytsha toqtatylady, biraq bul ýaqytsha shara ǵana.
«Ulttyq bank bekitken «Elektrondy tásilmen mikrokreditter berý qaǵidalarynyń» 15-tarmaǵyna sáikes, kreditterdi tolyq esepten shyǵarýǵa úshinshi tulǵalar tarapynan ruqsat etilmegen is-áreketter, iaǵni klientke kreditti rásimdeý kezinde onyń qatysýynsyz júieni buzý bolsa ǵana jol beriledi. Internettegi alaiaqtyq týraly qylmystyq isterdi tergeý kezinde bizde mundai faktiler anyqtalǵan joq. Barlyq qylmystarǵa jábirlenýshilerdiń sengishtigi sebep bolǵan», - dedi Igor Lepeha Parlament tyńdaýynda.
Politsei atap ótkendei, Ulttyq bank tamyz aiynda engizgen azamattardyń nesie alýdan erikti túrde bas tartý qyzmeti mundai jaǵdailardyń aldyn alýǵa kómektesedi.
Sonymen birge Lepeha halyqty shamadan tys nesielendirýge jol bermeý úshin basqa shekteýlerdi qabyldaý qajettigin aitty.
Aita keteiik, búgin Májiliste «Halyqtyń shamadan tys kredit alýyn azaitý jáne qarjy saýattylyǵyn arttyrý» taqyrybynda Parlament tyńdaýy ótti.
