فوتو: t.me/KZgovernment
ٸشكٸ ٸستەر مينيسترٸنٸڭ ورىنباسارى يگور لەپەحا قانداي جاعدايدا قازاقستاندىقتار اتىنا الاياقتار رەسٸمدەگەن نەسيە تولىق كەشٸرٸلەتٸنٸن تٷسٸندٸردٸ, دەپ حابارلايدى Kazinform اگەنتتٸگٸ.
ونىڭ ايتۋىنشا, الاياقتاردان زارداپ شەككەن تۇرعىندار ٸشكٸ ٸستەر مينيسترلٸگٸنە جيٸ جٷگٸنەدٸ. قولدا بار ٶكٸلەتتٸكتەر شەڭبەرٸندە ٸٸم تەرگەۋشٸلەرٸ بانك مەكەمەلەرٸنە تيٸستٸ ۇسىنىمدار ەنگٸزەدٸ, سونىڭ نەگٸزٸندە ازاماتتارعا مۇنداي كرەديتتەر بويىنشا تٶلەمدەر مەن ەسەپتەۋلەر ۋاقىتشا توقتاتىلادى, بٸراق بۇل ۋاقىتشا شارا عانا.
«ۇلتتىق بانك بەكٸتكەن «ەلەكتروندى تەسٸلمەن ميكروكرەديتتەر بەرۋ قاعيدالارىنىڭ» 15-تارماعىنا سەيكەس, كرەديتتەردٸ تولىق ەسەپتەن شىعارۋعا ٷشٸنشٸ تۇلعالار تاراپىنان رۇقسات ەتٸلمەگەن ٸس-ەرەكەتتەر, ياعني كليەنتكە كرەديتتٸ رەسٸمدەۋ كەزٸندە ونىڭ قاتىسۋىنسىز جٷيەنٸ بۇزۋ بولسا عانا جول بەرٸلەدٸ. ينتەرنەتتەگٸ الاياقتىق تۋرالى قىلمىستىق ٸستەردٸ تەرگەۋ كەزٸندە بٸزدە مۇنداي فاكتٸلەر انىقتالعان جوق. بارلىق قىلمىستارعا جەبٸرلەنۋشٸلەردٸڭ سەنگٸشتٸگٸ سەبەپ بولعان», - دەدٸ يگور لەپەحا پارلامەنت تىڭداۋىندا.
پوليتسەي اتاپ ٶتكەندەي, ۇلتتىق بانك تامىز ايىندا ەنگٸزگەن ازاماتتاردىڭ نەسيە الۋدان ەرٸكتٸ تٷردە باس تارتۋ قىزمەتٸ مۇنداي جاعدايلاردىڭ الدىن الۋعا كٶمەكتەسەدٸ.
سونىمەن بٸرگە لەپەحا حالىقتى شامادان تىس نەسيەلەندٸرۋگە جول بەرمەۋ ٷشٸن باسقا شەكتەۋلەردٸ قابىلداۋ قاجەتتٸگٸن ايتتى.
ايتا كەتەيٸك, بٷگٸن مەجٸلٸستە «حالىقتىڭ شامادان تىس كرەديت الۋىن ازايتۋ جەنە قارجى ساۋاتتىلىعىن ارتتىرۋ» تاقىرىبىندا پارلامەنت تىڭداۋى ٶتتٸ.
