2016 jylǵy 20-21 qazanda Qazaqstan Respýblikasy Din isteri jáne azamattyq qoǵam ministrli Nurlan Ermekbaev jumys saparymen Aqtóbe oblysynda boldy.
Sapar barysynda Aqtóbe oblysynyń ákimi B. Saparbaevpen bolǵan kezdesýde óńirdegi dini ahýal jáne osy salany retteýde memleket tarapynan iske asyrylyp otyrǵan sharalar, óńirlik deńgeide azamattyq qoǵam institýttaryn qoldaý jáne memlekettik jastar saiasatyn iske asyrýda qolǵabys etý máseleleri talqylandy.
Úkimettik emes uiymdarmen ótken kezdesý barysynda N.Ermekbaev qoǵamnyń áleýmettik máselelerin sheshýdegi «úshinshi sektor» institýttarynyń róline toqtala otyryp, olardy óńir turǵyndary, sonyń ishinde jastar arasynda dini ekstremizmniń aldyn alý sharalaryna belsendi qatysýǵa shaqyrdy.
Ol osy rette jergilikti atqarýshy organdardy ákimderdiń halyqpen eseptik kezdesýleri kezinde turǵyndar tarapynan aitylǵan áleýmettik ótinishterin, úkimettik emes uiymdardyń qatysýymen ótkizilgen qoǵamdyq saraptamalardyń qorytyndylaryn, sondai-aq óńirde ótkiziletin «Áleýmettik ideialar men jobalar jármeńkesi» nátijelerin eskere otyryp óz biýdjetterin, ásirese memlekettik áleýmettik tapsyrys lottarynyń taqyryptaryn qalyptastyrý qajettiligine nazar aýdarýǵa shaqyrdy.
«Nur Otan» partiiasynyń oblystyq filialynda qaladaǵy joǵary oqý oryndarynyń stýdenttermen ótken kezdesýde vedomstvo basshysy jastardyń áleýmettenýi úshin qolaily jaǵdailar týdyrýdaǵy memleket tarapynan iske asyrylyp otyrǵan júieli qoldaýlarǵa toqtala otyryp, olardy ártúrli destrýktivti aǵymdardan saqtanýǵa shaqyrdy. Dini bilim alý úshin meshit imamdaryna júginýdi usyndy.
Ministr osy kúni Aqtóbe oblysynyń Alǵa aýdanyna issaparmen baryp, «Aqtóbe» medresesiniń qyzmetimen tanysty.
Ministr 21 qazanda «Ańsar» aqparattyq-resýrstyq ortalyǵynyń qyzmetimen tanysyp, óńir teologtarymen jáne meshit imamdarymen kezdesti. Kezdesýde memlekettiń zaiyrlylyǵynyń konstitýtsiialyq qaǵidattaryn saqtaýdyń jáne kúsheitýdiń qajettiligi basa aityldy.
Sapar qorytyndysy boiynsha jergilikti deńgeide radikaldyq aǵymdy ustanýshalar men olardyń otbasy múshelerin deradikaldandyrý men ońaltýǵa baǵyttalǵan óńirlik baǵdarlamany qabyldaý arqyly osy baǵyttaǵy jumystardyń pármendiligin arttyrý boiynsha keshendi sharalardy qabyldaý, óńirdegi meshitterge bilikti teologtardy tartý máselelerin sheshý usynyldy.
Ministrliktiń Din isteri komiteti tarapynan júrgizilip otyrǵan jumystary sheńberinde 2016 jyldyń basynan bastap Aqtóbe oblysynda 1750-den astam is-sharalar ótkizilip, onymen 54 myń adam, sonyń ishinde túzeý mekemelerinde jazalaryn óteýshi 1300 azamat qamtylǵan.
Jumys saparynda óńirdegi Din isteri basqarmasy men Jastar isteri basqarmasyna naqty tapsyrmalar berildi.
