Nepaldyq milliarder Shymkentte akvapark salady. Bul týraly Úkimet otyrysynan keiin tilshilerge Shymkent qalasynyń ákimi Ǵabidolla Ábdirahymov málim etti, dep habarlaidy "Ult aqparat".
«Eger de akvaparkke toqtalsaq, bul joba boiynsha jumystar bastaldy. Investorlardy izdestirý kezinde Shymkentke Nepaldan milliarder keldi. Ol bizdegi osy jobaǵa qyzyǵýshylyq tanytyp otyr. Qazirgi kezde onyń kompaniiasy Dýbaidaǵy akvaparktiń jobalaýshylarymen kellissózder júrgizip jatyr. Olar ózderiniń komandasymen 13 shilde kúni Shymkentke kelip, úsh kún boiy jobany pysyqtaidy. Biz 100 gektar jer bóldik, ol jerde tiisti kommýnikatsiialar bar», - dedi ákim.
Onyń sózine qaraǵanda, atalǵan nepaldyq azamat Túrkistan oblysy Qazyǵurt aýdanynda taǵy bir jobany iske asyrýǵa qatyspaq, iaǵni makaron óndirý boiynsha kásiporyndy ashý jumystaryna kirisýge nietti.
«Jalpy, jobanyń quny 100 mln dollardy qurap otyr. Ony iske qosýǵa eki jyl ýaqyt kerek bolady», - dedi Ǵ. Ábdirahymov.
