Nepaldyq taýda jol kórsetýshi maman Mingma Tendji Sherpa 86 saǵattyń ishinde dúnie júzindegi eń biik shyń Everestke (8 849 m) eki ret kóterilip, álemdik rekord ornatty. Bul týraly 13 mamyr kúni Xinhua agenttigi osy eki sharany da uiymdastyrǵan Seven Summit Treks kompaniiasynyń ókiline silteme jasap málim etti.
Birinshi ret jol kórsetýshi 7 mamyrda ekspeditsiialyq toppen birge kóterilgen, odan keiin ekinshi ret shyńǵa 11 mamyrda qaita shyqqan.
Everestke eń tez birizdi shyǵý boiynsha álemdik rekordty úndilik alpinist Anshý Djamsenpe ornatqan. 2017 jyly ol Everestke eki ret 118 saǵat 15 minýt ishinde shyqty.
2019 jyldyń qazanynda nepaldyq alpinist Nirmal Pýrdja álemdegi barlyq segiz myńnan asatyn 14 shyńdy baǵyndyryp, teńdessiz álemdik rekord ornatqan. Onyń erligi alpinizm tarihyndaǵy eń úlken jetistik dep tanyldy.
