نەپالدىق تاۋدا جول كٶرسەتۋشٸ مامان مينگما تەندجي شەرپا 86 ساعاتتىڭ ٸشٸندە دٷنيە جٷزٸندەگٸ ەڭ بيٸك شىڭ ەۆەرەستكە (8 849 م) ەكٸ رەت كٶتەرٸلٸپ, ەلەمدٸك رەكورد ورناتتى. بۇل تۋرالى 13 مامىر كٷنٸ Xinhua اگەنتتٸگٸ وسى ەكٸ شارانى دا ۇيىمداستىرعان Seven Summit Treks كومپانيياسىنىڭ ٶكٸلٸنە سٸلتەمە جاساپ مەلٸم ەتتٸ.
بٸرٸنشٸ رەت جول كٶرسەتۋشٸ 7 مامىردا ەكسپەديتسييالىق توپپەن بٸرگە كٶتەرٸلگەن, ودان كەيٸن ەكٸنشٸ رەت شىڭعا 11 مامىردا قايتا شىققان.
ەۆەرەستكە ەڭ تەز بٸرٸزدٸ شىعۋ بويىنشا ەلەمدٸك رەكوردتى ٷندٸلٸك الپينيست انشۋ دجامسەنپە ورناتقان. 2017 جىلى ول ەۆەرەستكە ەكٸ رەت 118 ساعات 15 مينۋت ٸشٸندە شىقتى.
2019 جىلدىڭ قازانىندا نەپالدىق الپينيست نيرمال پۋردجا ەلەمدەگٸ بارلىق سەگٸز مىڭنان اساتىن 14 شىڭدى باعىندىرىپ, تەڭدەسسٸز ەلەمدٸك رەكورد ورناتقان. ونىڭ ەرلٸگٸ الپينيزم تاريحىنداعى ەڭ ٷلكەن جەتٸستٸك دەپ تانىلدى.
