Ǵalymdar COVID-19 ben qan toptary arasyndaǵy bailanysty kórsetetin eki jańa zertteý júrgizdi, dep habarlaidy "Ult aqparat" Deutsche Welle agenttigine silteme jasap.
Ǵalymdar Italiia men Ispaniiadan kelgen koronavirýspen aýyratyn 1610 patsientti zerttedi. Olardyń DNQ molekýlalary zertteldi. Anyqtalǵandai, II qan tobyndaǵy adamdarda (qazirgi klassifikatsiiaǵa sáikes ony A qan toby dep te ataidy) COVID-19 qaýpi aitarlyqtai joǵary. Atap aitqanda, I qan tobyndaǵy adamdarmen (qazirgi klassifikatsiiaǵa sáikes 0 qan toby) salystyrǵanda eki ese kóp.
Birinshi qan tobyndaǵy adamdarǵa keletin bolsaq, jańa derekter olardyń koronavirýsqa qarsy immýnitetin múldem kórsetpedi, bul olardyń COVID-19 virýsynyń aýyr túrimen aýyryp shyǵý qaýpi barynsha az ekenin bildiredi.
Al III jáne IV qan tobyndaǵy nemese qazirgi klassifikatsiia boiynsha V jáne AB toptaryndaǵy koronavirýs juqtyrǵan naýqastarda COVID-19 virýsymen aýyrýdyń aiqyn tendentsiiasy baiqalmaidy.
14 qazanda Blood Advances mamandandyrylǵan basylymynda taǵy eki zertteýdiń nátijeleri jariialandy.
Nemis jáne norveg ǵalymdary koronavirýsty juqtyrǵan jaǵdaida I qan tobyndaǵy adamdarda aýrý jeńil túrde júredi degen tujyrymdaryn rastady. Grats meditsinalyq ýniversitetiniń ǵalymdary qazir munyń sebebin bilýge tyrysyp jatyr.
