Búgin Úkimet otyrysynda QR Premer-Ministriniń orynbasary - Saýda jáne integratsiia ministri Baqyt Sultanov ishki naryqty otandyq óndiris taýarlarymen tolyqtyrý boiynsha josparly jumys júrgizilip jatqanyn aitty, dep habarlaidy QazAqparat.
«Memleket basshysynyń infliatsiia deńgeiin tejeý jáne memlekettik retteý sharalaryn kúsheitý jónindegi tapsyrmalaryn iske asyrý úshin salalyq memlekettik organdar birqatar sharalardy ázirledi. Vedomstvoaralyq is-qimyl Úkimet deńgeiinde úilestiriletin bolady», - dedi Sultanov.
Sonymen qatar ol áleýmettik mańyzy bar azyq-túlik taýarlarynyń baǵasyn ustap turý jónindegi is-sharalar týraly aityp berdi.
Birinshiden, bul azyq-túlik taýarlarynyń negizgi túrleriniń baǵalyq qoljetimdiligin qamtamasyz etý sharalary eskerilgen. Osy baǵytta Aýyl sharýashylyǵy ministrligi ishki naryqty otandyq óndiris taýarlarymen tolyqtyrý boiynsha josparly jumys júrgizýde.
«Qazirgi ýaqytta negizgi azyq-túlik túrleriniń 5 ailyq qory qamtamasyz etilgen deýge bolady. Bul naryqtaǵy tapshylyqty boldyrmaýǵa kepildik beredi. Aýyl sharýashylyǵy ministrligi Saýda jáne integratsiia ministrligimen birlesip, óndiris-tutyný balansyn aiqyndaidy, sondai-aq qajet bolǵan jaǵdaida eksporttyq shekteýlerdi engizedi», - dep túsindirdi ministr.
Ekinshiden, saýda ústemeleri men syiaqylarǵa memlekettik baqylaýdy kúsheitý, sondai-aq shekti baǵalardy ýaqtyly engizý arqyly baǵanyń ósýine jol bermeýge baǵyttalǵan qadamdar qamtylǵan.
Úshinshiden, baǵanyń joǵary ósý táýekeli týyndaǵan jaǵdaida, monopoliiaǵa qarsy organnyń quzyreti sheginde naqty taýar naryqtarynda memlekettik baǵalyq retteýdi engizý eskerilgen.
