Fotokollaj: Azattyq Rýhy / Ábilqasym Esentaev
22 sáýirde ótken Májilis otyrysynda oiyn biznesi men lýdomaniiaǵa qarsy zań jobasynyń birinshi oqylymy ótip, onda depýtat Samat Musabaev keibir elder siiaqty býkmekerlik keńseler men sportta utys tigýge nege tolyq tyiym salmaimyz dep surady. Bul týraly "Ult Aqparat" habarlaidy.
"Óz baiandamasynda Elnur Sabyrjanuly osy zań aiasynda biraz máselelerge shekteý qoiylyp, biraz máselelerge tyiym salynyp jatqandyǵyn aityp ketti. Endi Qytaida, Qyrǵyzsatanda, Ońtústik Koreiada, Vetnamda, Izrailde jáne Arab eliniń barlyq memleketinde býkmekerlik keńseler men sportta utys tigýge tyiym salynǵan. Iaǵni bul elderde oiyn biznesine tolyqtai jol joq degen sóz. Suraq: Biz tolyq tyiym salýda osy tájirbilerdi qoldana alamyz ba?" - dedi depýtat Samat Musabaev.
Suraqqa jaýap bergen Mádeniet jáne aqparat ministrligi ókili ondai tyiym salý memleket qaltasyna shyǵyn ákeletinin aitty.
"Ýákiletti organnyń pozitsiiasy: árine, býkmekerlik keńselerdi tolyq buǵattaýǵa biz qarsy emespiz. Degenmen, eń basty ýáj nede? Sporttyq is-sharalar jáne onyń transliatsiiasy qyrýar aqsha talap etedi. Sondyqtan biýdjet úlken shyǵynǵa batpaýy úshin biz tek qana sporttyq saittarǵa ruqsat etýge óz ótinishimizdi berdik jáne qoǵamdyq uiymdar, jýrnalistik uiymdar barlyqtary osymen kelisedi", - dedi májiliste sóz sóilegen Mádeniet jáne aqparat ministrligi ókili.
Al zań jobasyn tanystyrǵan baiandamashy Elnur Beisenbaev oiyn biznesine tolyq tyiym salý arqyly másele sheshilmeitinin aityp otyr.
"Biraq bizdegi aqparat boiynsha sol kórshiles elderdiń 70 paiyz lýdomandary, jalpy oiyn oinaýshylar bizdiń Qazaqstanda, bolmasa kórshiles Reseidiń naryǵynda oinap jatyr. Sol sebepten 100 paiyz olarǵa tosqaýyl qoiý - bul azamattardy kóleńkeli bizneske qarai itermeleýmen para-par. Bul máseleni osy bir top normalardy qabyldap alǵannan keiin, ary qarai ózderińizben kelesi zań jobalary aiasynda qarastyrýǵa bolady", - dedi E. Beisenbaev.
Aita keteiik, búgin Parlament májilisinde "Oiyn biznesi, lotereialar jáne lotereia qyzmeti máseleleri boiynsha ózgerister men tolyqtyrýlar engizý týraly" Qazaqstan Respýblikasy Zańynyń jobasynyń birinshi oqylymy ótti.
