Nazym Qyzaibai Iordaniia astanasy Amman qalasynda bokstan bolyp jatqan Aziia chempionatynda qola júldeger atandy, dep habarlaidy QazAqparat.
Kúndizgi sessiiada Qazaqstannan alǵashqy bolyp ringke eki márte álem chempiony Nazym Qyzaibai shyqty.
Ol 50 kelige deiingi salmaqta Japoniia eliniń ókili, 2020 jylǵy Tokio olimpiadasynyń qola júldegeri Namiki Tsýkimimen judyryqtasty.
Nazym osy chempionatta shirek finalda mońǵoliialyq Mýngýnsaran Balsanmen qolǵap túiistirgen bolatyn. Jekpe-jek tartysty ótip, tóreshiler 3:2 esebimen jeńisti qazaqstandyq boksshyǵa bergen edi.
Qyzaibaidyń jartylai finaldyq básekesi de qyzý ótti. Qos boksshy aianyp qalǵan joq. Degenmen tóreshiler jeńisti basym daýyspen japoniialyq sportshyǵa berdi.
Tsýkými finalda vetnamdyq Ti Tam Ngýenmen altyn júldeni sarapqa salady.
