Foto: Reuters agenttigi
Senat tóraǵasy Máýlen Áshimbaev Qazaqstannyń eks-prezidenti Nursultan Nazarbaevtyń týystary qalai baiyǵanyn tergeý máselesine qatysty pikir bildirdi, dep habarlady Halyq Uni saity.
Senattyń jalpy otyrysynan shyqqan palata tóraǵasy jýrnalisterdiń eks-prezidenttiń týystary jaily saýalyna jaýap berdi. BAQ ókilderiniń qoiǵan suraǵy mynadai:
- Forbes Qazaqstandaǵy eń bai adamnyń tizimin jańartty. Onda QR eks-prezidentiniń qyzy Dariǵa Nazarbaeva, Timýr jáne Dinara Qulybaevtar, Bolat Nazarbaevtyń uly Nurbol da bar. Osy adamdardyń qalai baiyǵany tergelýi kerek pe?
Máýlen Áshimbaev másele zań aiasynda sheshilý keregin atap ótti.
"Siz aitqan aqparatty kórmedim. Mundai máseleniń bári zań aiasynda sheshilýi kerek. Biz – demokratiia jolyndaǵy qadamdarymyzdy júzege asyryp jatqan memleketpiz, áli kóptegen másele bar. Biraq biz osy jolda biraz jetistikke jetemiz dep senemiz. Osynyń birden bir sharty – quqyqtyq júieni damytý, quqyqtyq memleket qurý. Kez kelgen másele zań aiasynda qaralyp, sheshilýi kerek, ári kez kelgen máselege bailanysty biz zańǵa júginýimiz qajet. Sondyqtan siz aitqan másele zań aiasynda sheshilýge tiis", - dedi Senat spikeri.
