Aqordanyń baspasóz qyzmetiniń Ýoutube-tegi kanalynda Memleket basshysy Nursultan Nazarbaevtyń Saryaǵashta Resei jáne Ózbekstan elderiniń prezidentterimen kezdesken shaǵyn videosy jariialandy, dep habarlaidy "Ult aqparat".
Shaǵyn videoda kórshiles úsh memleket basshylarynyń erkin formatta áńgimelesip otyrǵanyn kórýge bolady. Áńgime sońynda Nursultan Nazarbaev, Vladimir Pýtin men Shavkat Mirziioev bir-biriniń qolynan ustap, fotosýretke tústi.
Eske sala ketsek, úsh eldiń basshylary Saryaǵashta 20 qazanda kezdesken bolatyn. Memleketter basshylary beiresmi kezdesý barysynda elder arasyndaǵy, sonyń ishinde saýda-ekonomikalyq jáne mádeni-gýmanitarlyq salalardaǵy yntymaqtastyqtyń ózekti máselelerin talqylaǵan edi.
Sonymen qatar, basqosýda Qazaqstan Respýblikasynyń, Resei Federatsiiasynyń jáne Ózbekstan Respýblikasynyń TMD jáne basqa da halyqaralyq uiymdar aiasyndaǵy ózara is-qimyl máseleleri qarastyryldy. Sondai-aq, taraptar óńirlik jáne halyqaralyq kún tártibindegi basty aspektiler jóninde pikir almasty.
