"Aqtóbe Taims" basylymynyń jýrnalisteri Nursultan Nazarbaevtyń buǵan deiin esh jerde jariialanbaǵan sýretin taýyp aldy.
Sýret Aqtóbe oblystyq komsomol komitetiniń birinshi hatshysy marqum Úketai Baijomartovta saqtalypty. Kóp jyldar buryn Baijomartov Helsinkidegi jastar men stýdentter forýmyna qatysqan, oǵan bolashaq prezident te barǵan eken. Bul Nursultan Ábishulynyń shetelge tuńǵysh shyqqan kezi delinedi.
Delegattardyń máskeýlik "Iýnost" qonaqúiiniń vestibiýlinde, festival poiyzynda bolǵany, keiin teplohodpen Helsinkige jetkeni belgili. Bul týraly kinoqujattar saqtalypty.
«Soǵan qaraǵanda, bul sýretter festival poiyzynyń aldynda túsirilgen», - deidi jýrnalist, «Shyǵys aqparat» mediaholdinginiń jetekshisi Murat Búldekbaev.
«Mynaý eskertkish sýrette Úketai Baijomartovty, onyń qasynda Ábsattar Búldekbaevty, olardyń aldynda elimizdiń bolashaq prezidenti Nursultan Nazarbaevty kórip otyrmyz»,- dep jazady basylym.
