Elordada QR Tuńǵysh Prezidenti – Elbasy Nursultan Nazarbaevtyń ideialary men bastamalary týraly 5 jańa kitap tanystyryldy, dep habarlaidy QazAqparat.
Atalǵan jinaqtarǵa maqalalar men estelikter bergen avtorlar arasynda Qazaqstannyń alǵashqy Syrtqy ister ministri Tóleýtai Súleimenov, QR Parlamenti Májilisiniń depýtaty Qýanysh Sultanov, Memleket jáne qoǵam qairatkeri Qabidolla Sárekenov, QR Tuńǵysh Prezidenti – Elbasy qory atqarýshy direktorynyń orynbasary Igor Rogov jáne Máskeý memlekettik ýniversiteti qazaqstandyq filialynyń direktory Aleksandr Sidorovich bar.
«Elbasy kitaphanasynyń bastamasymen shyǵarylǵan bul kitaptar jalpy bizdiń qoǵam úshin, memleket úshin, ásirese bolashaq urpaq úshin óte mańyzdy. Biz táýelsizdik alǵannan keiingi 30 jyl ýaqytta qandai jaǵdaidy basymyzdan ótkizdik, bul joldan ótý úshin qandai sharalar, qandai memlekettik saiasat júrgizildi? Qazaqstan degen kim, memlekettiń múmkindigi qandai, áleýeti qandai, qoǵamnyń sapasyn jaqsartý úshin qandai reformalar júrgizildi? Osy suraqtardyń jaýaby búgingi jańa kitaptarda jazylǵan. Jastar úshin bul – ónege, tarih», - dedi Qýanysh Sultanov Nazarbaev ortalyǵynda jańa kitaptardyń tanystyrylymynda.
Memleket tarihy institýtynyń direktory, professor, tarih ǵylymdarynyń doktory Búrkitbai Aiaǵan jańa jinaqtardy qazirgi zaman tarihyn zertteitin ǵalymdar úshin asa qajet dep baǵalady.
«Búgingi jinaqtardy QR Tuńǵysh Prezidenti qorynyń qyzmetkerleri sońǵy 2-3 jylda ázirlep shyǵardy. Onda Tuńǵysh Prezidenttiń ótken joly, estelikteri, Qazaqstandy iadrolyq qarýdan azat etýi jáne byltyrǵy saiasi tranzit taqyryptary egjei-tegjeili jazylǵan. Ásirese qazirgi zaman tarihyn zertteitin ǵalymdar úshin, stýdentter men oqýshylar úshin paidaly jinaqtar der edim. Qazaqstan – 30 jylda bir qan tókpei memleket turǵan, shekarasyn belgilegen, astanasyn aýystyryp, naryqtyq ekonomikany jasaǵan el. 1917 jyldan keiingi 30 jyldy qarasaq, Sovet biligi soǵys, ashtyq, repressiiadan 50 mln jýyq adamynan aiyrylǵan. Al Qazaqstan óziniń alǵashqy 30 jylynda beibit memleket quryp, kúrdeli geosaiasi ózgeristerdi jasai aldy. Sonyń barlyǵyn Elbasy qory jinaqtap, daiyndap berdi. Endi ári qarai jalǵap áketip, ózge tilderge aýdaryp taratýymyz kerek. Ǵalym retinde mundai kitaptar taptyrmas dúniege ainalady dep tolyq senimmen aita alamyn», - dedi B. Aiaǵan.
Jańa jinaqtar Nursultan Nazarbaevtyń memleket negizin qurý men jan-jaqty nyǵaitýdaǵy, kópultty Qazaqstan halqyn biriktirýdegi, turaqty, gúldengen jáne rýhani qoǵamdy jasaýdaǵy, álemdik alpaýyttarmen yntymaqtastyq pen seriktestikti damytýdaǵy kópqyrly saiasi qyzmeti men biregei tájiribesin, sondai-aq onyń bitimgerlik ideialaryn kórsetedi.
«Nursultan Nazarbaev: kóshbasshylyq strategiiasy» atty eki bólimnen turatyn kitap Elbasynyń Qazaqstan kompartiiasynyń birinshi hatshysy bolyp taǵaiyndalǵan sátten 30 jyl ishinde Qazaqstannyń ekonomikalyq-saiasi turǵydan ósip-órkendeýine qosqan úlesin, elimizdi tórtkúl dúniege tanytyp, álem qaýymdastyǵyna moiyndatýdaǵy tarihi rólin keńinen baiandaidy.
«Biz biletin Elbasy» estelikter jinaǵy úsh kitaptan turady. Munda táýelsizdiktiń alǵashqy jyldarynda jas memleketti damytýdyń jańa joly men úlgisin izdegen tusta Tuńǵysh Prezidenttiń janynan tabylǵan, odan keiin beibit eldiń baqytyna kýá bolǵan Elbasy zamandastarynyń estelikteri toptastyrylǵan.
«N. Nazarbaevtyń eýraziialyq bastamalary: tarihy, qazirgi jaǵdaiy jáne bolashaǵy» - Elbasy kitaphanasynyń ǵylymi baǵdarlamasyn júzege asyrý aiasynda ázirlengen jinaq. Bul kitap eýraziialyq integratsiia ideiasynyń 25 jyldyǵyna jáne Eýraziialyq ekonomikalyq odaq týraly shartqa qol qoiylýynyń 5 jyldyǵyna arnalǵan. Bul Eýraziia keńistigindegi integratsiialyq úderisterdiń tarihyna, mán-maǵynasy men mańyzyna arnalǵan qundy kitap.
«Iadrolyq qarýsyz álemge betburys: Elbasy bastamalary» - Tuńǵysh Prezidenttiń bitimgerlik bastamalaryna jáne onyń barsha adamzattyń múddesi úshin iadrolyq qarýdan azat álemdi qurý jónindegi saiasatyna arnalǵan jinaq.
«Máńgilik el» ideiasy: keshe, búgin, erteń» - Elbasy kitaphanasynyń bastamasymen jaryqqa shyqqan ujymdyq monografiia. Kitapta halyqtyń ál-aýqaty men onyń jarqyn bolashaǵyn oilaityn, qazaqstandyq qoǵamnyń jańa modeliniń negizin qalaýshy retindegi Elbasynyń róli aiqyndalady.
.jpeg)