"SK-Farmatsiia" jetekshisi otstavkaǵa ketti, - dep habarlaidy "Ult aqparat" Tengrinews.kz portalyna silteme jasap. Bul týraly densaýlyq saqtaý ministri Eljan Birtanov úkimet otyrysynyń barysynda málimdedi.
"Eljan Amantaiuly, Memleket basshysy aldyńyzǵa mindetter qoidy. Birinshi kezekte uzaq merzim negizinde otandyq óndirýshilerden dári-dármekter men meditsinalyq ónimderdi satyp alýdy ósirý boiynsha naqty sheshim qabyldaý. Satyp alý protsedýrasynyń ashyqtyǵyn qamtamasyz etý. Aitpaqshy, kadr máseleleri boiynsha Prezidenttiń tapsyrmasyn oryndadyńyzdar ma?", - dep suraq qoidy Qazaqstan premer-ministri Baǵytjan Saǵyntaev densaýlyq saqtaý ministrine.
"Jalpy alǵanda, sheshim qabyldanyp qoidy, protsedýralyq kelisimder qaldy", - dep jaýap berdi Eljan Birtanov.
"Naqty qandai sheshim qabyldandy?", - dep suraq qoidy premer.
"SK-Farmatsiia" birinshi jetekshisinen ótinish qabyldandy, "SK-Farmatsiia jetekshisi qyzmetinen shettetildi", - dep jaýap qatty ministr.
Aita keteiik, "SK-Farmatsiia" JShS basqarma tóraǵasy bolyp 2015 jyldyń 16 qyrkúieginde Nurjan Álibaev taǵaiyndalǵan edi.
Eske salaiyq, 3 aqpanda Prezidenttiń qatysýymen ótken úkimet otyrysy barysynda 2016 jyldyń qorytyndysy shyǵarylyp, 2017 jylǵa úkimettiń jumys jospary anyqtalǵan, sondai-aq, Memleket basshysynyń Joldaýyn júzege asyrý boiynsha tapsyrmalar berilgen.
Naqtyraq aitqanda, Prezident densaýlyq saqtaý ministrine meditsinadaǵy tártipsizdikterdi joiýdy, "SK-Farmatsiia kompaniiasynyń qyzmetkerlerin qýyp shyǵý jáne jańa quram alýdy tapsyrǵan bolatyn. Oryndarynan qozlǵata almaityn adamdar otyr", - degen edi Nursultan Nazarbaev.
