"سك-فارماتسييا" جەتەكشٸسٸ وتستاۆكاعا كەتتٸ, - دەپ حابارلايدى "ۇلت اقپارات" Tengrinews.kz پورتالىنا سٸلتەمە جاساپ. بۇل تۋرالى دەنساۋلىق ساقتاۋ مينيسترٸ ەلجان بٸرتانوۆ ٷكٸمەت وتىرىسىنىڭ بارىسىندا مەلٸمدەدٸ.
"ەلجان امانتايۇلى, مەملەكەت باسشىسى الدىڭىزعا مٸندەتتەر قويدى. بٸرٸنشٸ كەزەكتە ۇزاق مەرزٸم نەگٸزٸندە وتاندىق ٶندٸرۋشٸلەردەن دەرٸ-دەرمەكتەر مەن مەديتسينالىق ٶنٸمدەردٸ ساتىپ الۋدى ٶسٸرۋ بويىنشا ناقتى شەشٸم قابىلداۋ. ساتىپ الۋ پروتسەدۋراسىنىڭ اشىقتىعىن قامتاماسىز ەتۋ. ايتپاقشى, كادر مەسەلەلەرٸ بويىنشا پرەزيدەنتتٸڭ تاپسىرماسىن ورىندادىڭىزدار ما?", - دەپ سۇراق قويدى قازاقستان پرەمەر-مينيسترٸ باعىتجان ساعىنتاەۆ دەنساۋلىق ساقتاۋ مينيسترٸنە.
"جالپى العاندا, شەشٸم قابىلدانىپ قويدى, پروتسەدۋرالىق كەلٸسٸمدەر قالدى", - دەپ جاۋاپ بەردٸ ەلجان بٸرتانوۆ.
"ناقتى قانداي شەشٸم قابىلداندى?", - دەپ سۇراق قويدى پرەمەر.
"سك-فارماتسييا" بٸرٸنشٸ جەتەكشٸسٸنەن ٶتٸنٸش قابىلداندى, "سك-فارماتسييا جەتەكشٸسٸ قىزمەتٸنەن شەتتەتٸلدٸ", - دەپ جاۋاپ قاتتى مينيستر.
ايتا كەتەيٸك, "سك-فارماتسييا" جشس باسقارما تٶراعاسى بولىپ 2015 جىلدىڭ 16 قىركٷيەگٸندە نۇرجان ەلٸباەۆ تاعايىندالعان ەدٸ.
ەسكە سالايىق, 3 اقپاندا پرەزيدەنتتٸڭ قاتىسۋىمەن ٶتكەن ٷكٸمەت وتىرىسى بارىسىندا 2016 جىلدىڭ قورىتىندىسى شىعارىلىپ, 2017 جىلعا ٷكٸمەتتٸڭ جۇمىس جوسپارى انىقتالعان, سونداي-اق, مەملەكەت باسشىسىنىڭ جولداۋىن جٷزەگە اسىرۋ بويىنشا تاپسىرمالار بەرٸلگەن.
ناقتىراق ايتقاندا, پرەزيدەنت دەنساۋلىق ساقتاۋ مينيسترٸنە مەديتسيناداعى تەرتٸپسٸزدٸكتەردٸ جويۋدى, "سك-فارماتسييا كومپانيياسىنىڭ قىزمەتكەرلەرٸن قۋىپ شىعۋ جەنە جاڭا قۇرام الۋدى تاپسىرعان بولاتىن. ورىندارىنان قوزلعاتا المايتىن ادامدار وتىر", - دەگەن ەدٸ نۇرسۇلتان نازارباەۆ.
