Nursultan Nazarbaevqa Tsýkýba ýniversitetiniń Qurmetti doktory ataǵy berildi, dep habarlaidy "Ult aqparat".
Marapattaý rásimi barysynda Elbasy Tsýkýba ýniversiteti óziniń tereń tarihymen tanymal álemdik deńgeidegi bilim berý jáne zertteý ortalyǵy sanalatyndyǵyn atap ótti.
– Japoniianyń jetekshi oqý oryndarynyń biri - Tsýkýba ýniversitetiniń qurmetti doktory atanǵanyma qýanyshtymyn. Sizderdiń ýniversitet álemdik deńgeidegi bilim berý jáne zertteý ortalyǵy sanalady. Óziniń tereń tarihymen de tanymal. Tsýkýbanyń Nobel syilyǵy iegerlerin oqytyp shyǵarǵan japondyq joǵary oqý oryndary qataryna kirýiniń ózi zor qurmetke laiyq. Ýniversitettiń úsh túlegi 1965 jáne 1973 jyldary - fizikadan, 2000 jyly - himiiadan Nobel syilyǵyn aldy.
Sizdiń ýniversitetińiz qazaqstandyqtar arasynda da úlken suranysqa ie, bizdiń 105 stýdentimiz Tsýkýba diplomyn aldy. Olardyń kópshiligi «Bolashaq» baǵdarlamasynyń stipendiattary, – dedi Qazaqstannyń Tuńǵysh Prezidenti.
Nursultan Nazarbaev berilgen Qurmetti doktor ataǵy búkil qazaqstandyqtarǵa degen qurmettiń belgisi ekenin atap ótti.
– 2016 jyly Japoniiaǵa sapar barysynda Tokai ýniversitetiniń qurmetti doktory atanǵan edim. Japoniianyń laiyqty ári bai dástúri bar ǵylymi-zertteý ortalyqtarynyń qadir tutýy - men úshin úlken mártebe jáne bul Qazaqstannyń barsha halqyna degen qurmettiń belgisi.
Óz tarapymnan Qazaqstanda árqashan bilim berý men jastar saiasatyn damytýǵa úlken mán bergenimdi atap ótkim keledi. Elimizde bilim berý mádenieti qoǵamnyń ajyramas bóligine ainalǵany bizdi qýantady.
Tsýkýba Qazaqstannyń joǵary oqý oryndarymen ǵylymi, akademiialyq jáne bilim salalarynda yntymaqtastyqty jolǵa qoiǵan, bilemin. Sondyqtan Qazaqstandyq tehnologiialyq parktermen kooperatsiiaǵa qosylýǵa shaqyramyn», – dedi Elbasy.
Sóz sońynda Qazaqstannyń Tuńǵysh Prezidenti barlyq qatysýshylardy imperator Narýhitonyń taqqa otyrýymen jáne Japoniiada «Reiva» dáýiriniń bastalýymen quttyqtady.
«Biz alys kórshi bolsaq ta, óte jaqyn dospyz. Osy jerde bizdiń mýzykamyzdyń, án salýymyz barynsha úndes keletini aityldy. Qazaq pen japondy aiyrý óte qiyn. Bizdiń bir-birimizge uqsastyǵymyz tań qaldyrady. Bul da arheologiialyq turǵyda zertteýdi qajet etedi», - dedi Nursultan Nazarbaev.
