Búgin QR Parlamenti Senatynyń jalpy otyrysynda Tuńǵysh Prezident-Elbasy Nursultan Nazarbaevqa «Qurmetti Senator» mártebesi berildi.
Qazaqstan Respýblikasy Tuńǵysh Prezidenti – Elbasynyń demokratiialyq, zaiyrly, quqyqtyq jáne áleýmettik memleket retinde konstitýtsiialyq-quqyqtyq negizderin qalyptastyrýdaǵa, sondai-aq otandyq parlamentarizmdi ornyqtyrýdaǵy jáne damytýdaǵy sińirgen tarihi eńbegin, Konstitýtsiiany, adamnyń jáne azamattyń quqyqtary men bostandyqtaryn qorǵaýdy, qoǵamnyń birligin qamtamasyz etýge, eldiń strategiialyq damý baǵdaryn aiqyndaýǵa qosqan asa zor úlesin moiyndai otyryp, QR Parlamenti Senaty Elbasy Nursultan Nazarbaevqa «Qurmetti Senator» mártebesin berý týraly sheshimdi qabyldady.
«Ózderińizge belgili, Memleket basshysy Qasym-Jomart Toqaev ant berý rásiminde Tuńǵysh Prezident-Elbasy Nursultan Nazarbaevqa «Qumetti Senator» mártebesin berý jóninde usynys jasaǵan bolatyn. Memleket basshysynyń usynysyn qoldai otyryp, Senat biýrosynyń músheleri «Qumetti Senator» mártebesi týraly ereje bekitti. Erejege sáikes, «Qurmetti Senator» mártebesin berý jóninde sheshim Senat otyrysynda qabyldanady», - dep túsindirdi Senat tóraǵasy Dariǵa Nazarbaeva.
Óz kezeginde senator Talǵat Musabaev Qazaqstan parlamentarizmin damytý úderisi Elbasynyń aqylǵa salynǵan saiasi strategiiasynyń nátijesi bolyp otyrǵanyn atap ótti.
«Biliktiń barlyq tarmaqtary arasynda tepe-teńdik júiesin qurý arqyly el Parlamenti tek zań shyǵarý tetigine ǵana emes, memlekettiń ornyqty damýyna baǵyttalǵan maqsattaryna da jaýap beretin bedeldi memlekettik organ boldy. Sondyqtan Nursultan Ábishuly Nazarbaevqa «Qurmetti Senator» mártebesin berý týraly usynylǵan ideiany ýaqytyly jáne durys dep sanaimyn», - dedi T. Musabaev.
