Qazaqstannyń Tuńǵysh Prezidenti Nursultan Nazarbaevqa Qazaqstan halqy Assambleiasyna ómir boiy tóraǵalyq etýden bas tartý quqyǵy beriledi. Tiisti qaýlyǵa Úkimet qol qoidy.
Adilet.zan.kz saitynda habarlanǵandai, Prezidenttiń Jarlyǵyna ózgerister engizý usynylǵan.
"Qazaqstan halqy Assambleiasynyń erejesi týraly" Qazaqstan Respýblikasy Prezidentiniń 2011 jyldyń 7 qyrkúiegindegi №149 Jarlyǵyna Qazaqstan halqy Assambleiasynyń erejesine mynadai ózgerister men tolyqtyrýlar engizilsin", - delingen Qujatta.
5-tarmaq boiynsha mynadai redaktsiia usynylady:
Qazaqstan Respýblikasynyń Prezidenti:
1) Assambleiany qurady jáne qaita uiymdastyrady;
2) Assambleia qyzmetiniń baǵyttaryn aiqyndaidy;
3) Assambleianyń basshylyq laýazymdy qyzmetkerlerin taǵaiyndaidy jáne qyzmetten bosatady;
4) Assambleia sessiiasyna shaqyrady;
5) Qazaqstan Respýblikasynyń Konstitýtsiiasyna jáne zańdaryna sáikes ózge de qyzmetti júzege asyrady.
Sondai-aq Qujat kelesi mazmundaǵy 5-1 tarmaǵymen tolyqtyrylǵan:
"Qazaqstan Respýblikasynyń Tuńǵysh Prezidenti - Elbasyǵa ómir boiy Assambleiany basqarý quqyǵy tiesili, odan ol bas tartýǵa quqyly".
Qazaqstan Úkimeti jarlyqtyń osy jobasyn memleket basshysynyń qaraýyna engizý týraly qaýlyǵa qol qoidy.
