Foto: instagram.com/aliya_nazarbayeva_official
Ekologiia jáne tabiǵi resýrstar ministri Erlan Nysanbaev Áliia Nazarbaevanyń kompaniiasyna qatysty saýalǵa jaýap berdi, - dep habarlaidy Tengrinews.kz saity.
Úkimet otyrysynan keiingi brifingte jýrnalister Nysanbaevtan Áliia Nazarbaevanyń kompaniiasy Astanada qoqys shyǵarýmen ainalysa ma dep surady. Ministr: "Joq, ainalyspaidy", dep qysqa qaiyrdy.
"Siz Áliia Nazarbaevanyń kompaniiasy qoqys shyǵarýmen ainalyspaidy dedińiz. Biraq memlekettik satyp alýlar saityna kirseńiz, 2023 jyly qol qoiylǵan ondaǵan kelisim-sharttardy kóresiz. Iaǵni Áliia Nazarbaevanyń kompaniiasy Astanada qoqys shyǵarýdy jalǵastyryp jatyr. Bul qalai bolǵany?" - dep surady jýrnalist Úkimet brifinginde.
"Meniń qolymdaǵy aqparatqa sáikes, búginde Áliia Nazarbaevanyń kompaniiasy qoqys shyǵarýmen ainalyspaidy. Eger aqparat bolsa, ony sizben (jýrnalistpen – esk.) bólek talqylaýǵa daiynmyn. Siz aitqan jańa jaǵdailardy eskere otyryp, men ne jáne qalai ekenin taǵy bir ret qaraimyn, jarai ma?", - dep jaýap berdi Nysanbaev.
Video: Tengrinews.kz
Aita keteiik, memlekettik satyp alý saitynda Slean City NC kompaniiasymen qoqys shyǵarý týraly ondaǵan shart jariialanǵan.
Kompra.kz saitynda aqyly jazylym arqyly Slean City NC JShS quryltaishysy Green Future Management Ltd jeke kompaniiasy bolyp tabylatynyn kórýge bolady. Onyń quryltaishysy - Áliia Nazarbaeva.
