Senator Dariǵa Nazarbaeva QR Densaýlyq saqtaý ministri Eljan Birtanovqa joldaǵan depýtattyq saýalynda dári-dármek máselesin kóterdi, dep habarlaidy Baq.kz agenttigi.
«Buqaralyq aqparat quraldarynda qazaqstandyq dárihanalar ózine táýeldi etetin dárilerdi erkin satady degen másele birneshe ret qozǵalǵan bolatyn. Olar esirtki siiaqty áser etedi. Sondai preparattardyń biri - tramadol. Ádette, bul dárini 14-18 jastaǵy jastar satyp alady. Narkolog-dárigerlerdiń pikirinshe, tramodol morfin degen esirtkige uqsas. Bul preparatty úlken kólemde qabyldaý adamdy masaitady. Keiinnen tramadol táýeldilikke ákelip, aǵzany qinap, midaǵy ózgeristerge ákeledi, baýyrdy buzady. Bul dárilik zat retsept boiynsha satylatyndar qataryna qosylǵanymen, tájiribe júzinde dárihanalar olardy erkin sata beredi», - dedi Nazarbaeva.
Senator Eljan Birtanovtyń 2018 jylǵy 2 qazanda Úkimet otyrysynda aitqan sózin eske saldy.
«Siz naýqastarǵa tegin berilýi tiis dári-dármektiń 40% dárihanalarda satylatynyn jáne dárilerdi retseptsiz satý úlken problemaǵa ainalǵanyn aitqan bolatynsyz. Dárihana qyzmetkerleri preparattardy ózderi belgilep, satady. Olardyń qatarynda áseri kúshti dáriler de bar. Sondai-aq, dárihanalar shaǵyn jáne orta biznes sýbektileri bolǵandyqtan bilik olardy baqylai almaitynyn da moiyndaǵan edińiz», - dedi Dariǵa Nazarbaeva.
Depýtat óz saýalynda Birtanovtan ministrlik tegin berilýi tiis preparattardyń dárihanalarǵa túsýiniń aldyn alý men dári-dármektiń retseptsiz satylý problemasyn sheshý úshin qandai sharalar qabyldap jatqanan surady.
Senatordyń aitýynsha, dárihanalardy tekserister jasaýǵa tyiym salynǵan shaǵyn jáne orta biznes sýbektileri tiziminen alyp tastaý máselesin qarastyrý kerek. Sondai-aq, tegin dárilerdi zańsyz satyp, preparattardy retseptsiz ótkizgen dárihana ieleri úshin ákimshilik jaýapkershilikti jumysyn toqtatyp, litsenziiasyn qaitaryp alýǵa deiin kúsheitý másálesin qaraý qajet.
