Búgin QR Parlamenti Senatynyń jalpy otyrysynan keiin depýtat Dariǵa Nazarbaeva Qaraǵandyda sottalǵan ustaz Iýrii Paktiń isi boiynsha qujattardy tyńǵylyqty qarap shyǵý týraly Bas prokýratýraǵa saýal joldaǵanyn aitty, - dep habarlaidy "Ult Aqparat".
«Sottyń jumysyna aralasýǵa bizdiń eshqandai quqyǵymyz joq. Sheshimge senemiz be, álde senbeimiz be bul árkimniń jeke oiy. Internette, áleýmettik jelilerde bul másele qyzý talqylanyp jatqandyqtan, óz basym depýtat retinde prokýratýraǵa tiisti hat joldadym. Sondai-aq osy istiń barlyq qujattaryn naqty qadaǵalap qarap, bizge jaýaptaryn berýleri týraly saýal jiberdim», - dedi D. Nazarbaeva.
Osy rette depýtat prokýratýradan tiisti jaýap kelgennen keiin, óziniń oi-pikirin aitatynyn habarlady.
Eske salsaq, Iýrii Pakqa 2015 jyldyń 14 sáýirinde Qaraǵandydaǵy TsÝM ǵimaratyna «bomba» qoidy degen aiyp taǵyldy. Sebebi onyń uialy telefonynan shuǵyl áreket etý qyzmetterine qońyraý túsken. Er adam bomba qoiatyndyǵy týraly habarlaǵan.
Ustaz sotqa óziniń bul iske qatysy joqtyǵyn aityp-baqty. Onyń aitýynsha, qońyraý shalynǵan ýaqytta ol áriptes-áielderge partalardy tasýǵa kómektesip júrgen. Telefon bul ýaqytta kórshi kabinette, sómkesiniń ishinde jatqan.
Aita keteiik, osy aidyń basynda Qaraǵandy oblysy Qazybek bi aýdandyq soty fizika pániniń muǵalimi Iýrii Pakty jalǵan lańkestikpen aiyptaǵan atyshýly is boiynsha úkim shyǵardy. «Iu.Pak QR QK 273 baby (Terroristik akt týraly kórine jalǵan habarlaý) boiynsha aiypty dep tanylsyn jáne jalpy rejimdegi túzetý mekemesinde eki jylǵa bas bostandyǵynan aiyrý jazasy taǵaiyndalsyn», - dedi Qazybek bi aýdandyq sotynyń sýdiasy Aliia Josheva.
Sot protsesi kezinde Iu.Pak óziniń kinásiz ekenin aitýmen boldy.
Sonymen qatar qazaqstandyqtar jalǵan lańkestik úshin eki jylǵa sottalǵan qaraǵandylyq muǵalimge qoldaý bildirip, petitsiiaǵa qol qoiýda. Petitsiia Prezident Nursultan Nazarbaevtyń atyna jazylǵan. Onda jazalaý úkimi shyqqan fizika pániniń oqytýshysy Iýrii Paktiń isin qaita qaraý suralǵan.
Ult portaly
