«Nazarbaev Ziiatkerlik mektepteri» derbes bilim berý uiymy Qamqorshylyq keńesiniń sheshimimen Svetlana Ispýsinova Basqarma tóraiymy bolyp taǵaiyndaldy.
Svetlana Baǵytqyzy Ispýsinova Ziiatkerlik mektepter júiesinde 2009 jyldan beri qyzmet etip keledi. Ol adami resýrstardy basqarý departamentiniń direktory, atqarýshy direktor laýazymdarynda istep, 2012 jyldyń qyrkúiek aiynan bastap - Basqarma tóraiymynyń orynbasary qyzmetin atqaryp keledi. Ol barlyq kásibi biliktiligin bilim berý júiesine arnalǵan.
1978 jyly Gýrev pedagogikalyq ýniversitetin «tarih jáne qoǵamtaný» pániniń muǵalimi mamandyǵy boiynsha bitirgen. Tarih, memleket negizi men quqyǵy pánderiniń muǵalimi, synyptan jáne mektepten tys is-sharalardy uiymdastyrýshy, Atyraý jáne Taraz qalalarynda mektep direktory qyzmetterin atqarǵan.
1999 - 2002 jyldary Atyraý oblysy bilim basqarmasynyń basshysy, 2003 -2007 jyldary QR Bilim jáne ǵylym ministrliginde bólim basshysy, Mektepke deiingi jáne orta bilim berý departamentiniń direktory, 2007 - 2008 jyldary «SIT» AQ Innovatsiialyq tehnologiialar departamentiniń direktory, «Kazsatnet» AQ Paidalaný departamenti direktorynyń orynbasary qyzmetterin atqarǵan.
«Qazaqstan Respýblikasy bilim salasynyń úzdigi» jáne «Qazaqstan Respýblikasy bilim berýdiń qurmetti qyzmetkeri» tósbelgisimen, «Qazaqstan Respýblikasynyń táýelsizdigine 10 jyl», «Qazaqstan Konstitýttsiiasyna 20 jyl», «Eren eńbegi úshin» medaldarymen marapattalǵan.
