Foto: gov.kz
QR Premer-Ministriniń orynbasary – Qarjy ministri Erulan Jamaýbaev aldaǵy ýaqytta Nazarbaev ziiatkerlik mektepteri men Nazarbaev ýniversiteti shyǵyndaryn arnaiy endaýment-qor jabatynyn aitty, dep habarlaidy QazAqparat.
«Jyl saiyn respýblikalyq biýdjetten Nazarbaev ziiatkerlik mektepteri men Nazarbaev ýniversitetin qarjylandyrý azaiyp keledi. Osy oraida, arnaiy endaýment-qor qurý qarastyrlǵan jáne osy turǵyda qarjylandyrý iske asyrylady. Jusan Bank atalǵan bilim berý mekemelerin tikelei qarjylandyrýy tiis degen tujyrym - múlde durys emes. Birinshiden, Jusan Bank basqa da ekinshi deńgeili bankter siiaqty kommertsiialyq baǵytta qyzmet etedi. Iaǵni, halyqtyń qarajatyn tartady, óziniń kapitalyn qurady, ekonomikaǵa nesie bóledi. Óziniń tabysy esebinen aktsionerler dividentteri ósedi. Al aktsionerler óz qarajatyn endaýment-qor aiasynda Nazarbaev ziiatkerlik mektepterine baǵyttai alady. Sondyqtan Jusan Bank-ten tikelei qarjylandyrý bolmaýy kerek», - dedi Erulan Jamaýbaev Senatta tilshiler suraǵyna jaýap bere otyryp.
Sonymen qatar ol qazirgi kezde atalǵan naryqta turaqty jumys istep jatqanyn aitty.
«Atalǵan oqý oryndaryna bólingen qarajattyń basym bóligi respýblikalyq biýdjet esebinen qarastyrylyp keldi. Bolashaqta oqý oryndarynyń shyǵyndaryn tolyqtai atalǵan qor jabatyn bolady», - dedi ministr.
