فوتو: gov.kz
قر پرەمەر-مينيسترٸنٸڭ ورىنباسارى – قارجى مينيسترٸ ەرۇلان جاماۋباەۆ الداعى ۋاقىتتا نازارباەۆ زيياتكەرلٸك مەكتەپتەرٸ مەن نازارباەۆ ۋنيۆەرسيتەتٸ شىعىندارىن ارنايى ەنداۋمەنت-قور جاباتىنىن ايتتى, دەپ حابارلايدى قازاقپارات.
«جىل سايىن رەسپۋبليكالىق بيۋدجەتتەن نازارباەۆ زيياتكەرلٸك مەكتەپتەرٸ مەن نازارباەۆ ۋنيۆەرسيتەتٸن قارجىلاندىرۋ ازايىپ كەلەدٸ. وسى ورايدا, ارنايى ەنداۋمەنت-قور قۇرۋ قاراستىرلعان جەنە وسى تۇرعىدا قارجىلاندىرۋ ٸسكە اسىرىلادى. Jusan Bank اتالعان بٸلٸم بەرۋ مەكەمەلەرٸن تٸكەلەي قارجىلاندىرۋى تيٸس دەگەن تۇجىرىم - مٷلدە دۇرىس ەمەس. بٸرٸنشٸدەن, Jusan Bank باسقا دا ەكٸنشٸ دەڭگەيلٸ بانكتەر سيياقتى كوممەرتسييالىق باعىتتا قىزمەت ەتەدٸ. ياعني, حالىقتىڭ قاراجاتىن تارتادى, ٶزٸنٸڭ كاپيتالىن قۇرادى, ەكونوميكاعا نەسيە بٶلەدٸ. ٶزٸنٸڭ تابىسى ەسەبٸنەن اكتسيونەرلەر ديۆيدەنتتەرٸ ٶسەدٸ. ال اكتسيونەرلەر ٶز قاراجاتىن ەنداۋمەنت-قور اياسىندا نازارباەۆ زيياتكەرلٸك مەكتەپتەرٸنە باعىتتاي الادى. سوندىقتان Jusan Bank-تەن تٸكەلەي قارجىلاندىرۋ بولماۋى كەرەك», - دەدٸ ەرۇلان جاماۋباەۆ سەناتتا تٸلشٸلەر سۇراعىنا جاۋاپ بەرە وتىرىپ.
سونىمەن قاتار ول قازٸرگٸ كەزدە اتالعان نارىقتا تۇراقتى جۇمىس ٸستەپ جاتقانىن ايتتى.
«اتالعان وقۋ ورىندارىنا بٶلٸنگەن قاراجاتتىڭ باسىم بٶلٸگٸ رەسپۋبليكالىق بيۋدجەت ەسەبٸنەن قاراستىرىلىپ كەلدٸ. بولاشاقتا وقۋ ورىندارىنىڭ شىعىندارىن تولىقتاي اتالعان قور جاباتىن بولادى», - دەدٸ مينيستر.
