Búgin Aqordada ótken Qaýipsizdik keńesiniń otyrysynda Nursultan Nazarbaev Qazaqstanda elektr energiiasy qunyn tómendetýdi tapsyrdy, dep habarlaidy "Ult aqparat".
«Energetika ministrine jyl sońyna deiin elektr energiiasy qunyn tómendetý máselesin sheshýdi tapsyramyn. Qanat, osyny iske asyrýǵa qaýqarlysyzdar ma, álde múmkin emes pe?», - dedi Prezident Energetika ministri Qanat Bozymbaevqa qarata aitqan sózinde.
Óz kezeginde ministr júie quraýshy kásiporyndarda tómendeitindigin sóz etti.
«Jalpy halyq úshin, iaǵni qarapaiym azamattarǵa qatysty máseleni kóterip otyrmyz. Tutas Úkimet músheleri osyndasyzdar, bul baǵytta nátijeli jumysty júzege asyryńyzdar», - dedi Memleket basshysy.
«Memlekettik jáne memlekettik emes energiia óndirýshi kompaniialardyń basshylaryna qatysty aityp otyrmyn. Halyq ózderiniń qarjylary qaida jáne qandai maqsattarǵa jumsalyp jatqanyn bilýi tiis. Jumystaryńyzdy pysyqtap, áleýmettik jaýapkershilikti sezinińizder, iaǵni adamdardyń senimine laiyqty bolyńyzdar», - dedi Nursultan Nazarbaev.
