Elbasy Nursultan Nazarbaev jolaýshylar ushaǵynyń apatqa ushyraýyna bailanysty kóńil aitty, dep habarlaidy "Ult aqparat" QR Tuńǵysh Prezidentiniń resmi saityna silteme jasap.
«Almaty áýejaiynan ushyp shyqqan «Bek Air» áýe kompaniiasy ushaǵynyń apatqa ushyraýy saldarynan qaza tapqandar men zardap shekkender jaily habardy zor kúizelispen qabyldadym.
Qaiǵyǵa ortaqtasa otyryp, qaza bolǵandardyń týystary men jaqyndaryna kóńil aitamyn. Barlyq zardap shekkenderdiń tezirek saýyǵyp ketýin tileimin», - delingen jedelhatta.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty. Osy apatqa qatysty shuǵyl jeli iske qosylǵan.
