QR Tuńǵysh Prezidenti – Elbasy Nursultan Nazarbaevtyń atyna otandyq jáne sheteldik buqaralyq aqparat quraldary ókilderinen túrli taqyrypta suhbat berýin ótingen óte kóp hat kelip tústi. Bul týraly Elbasynyń baspasóz hatshysy Aidos Úkibai málim etti, dep habarlaidy "Ult aqparat".
«Tuńǵysh Prezident atyna otandyq jáne sheteldik BAQ ókilderinen túrli taqyrypta suhbat jazý ótinishimen óte kóp hat kelip tústi. Qazir bul jobalardy uiymdastyrý úshin jumys istep jatyrmyz. Jýrnalister tarapynan saýal óte kóp. Ókinishke orai barlyq jobaǵa qatysý múmkin emes. Degenmen, Elbasy qazirdiń ózinde birneshe suhbat jazdy. Sonymen qatar jetekshi álemdik jáne otandyq BAQ úshin suhbat uiymdastyrý máselesi pysyqtalyp jatyr», - dedi Aidos Úkibai.
Sonymen qatar ol taiaýda Elbasynyń baq ishindegi serýendegen sáti beinelegen sýretke qatysty pikir bildirdi. Onyń atap ótýinshe, bul sýret arnaýly foto sessiia barysynda túsirilmegen.
«Eger naqtyraq aitar bolsaq, Nursultan Nazarbaev kásibi fotosessiiaǵa sońǵy ret 2013 jyly qatysqan bolatyn. Sodan keiin eshqandai fotosessiia uiymdastyrylǵan emes. Árine, baspasóz qyzmetimizdiń tarapynan da, ózge fotograftardan da usynys boldy. Biraq, bul másele ázirshe kún tártibinde turǵan joq», - dedi Elbasynyń baspasóz hatshysy.
