Oliver Stoýn "Qazaq. Istoriia Zolotogo cheloveka" jobasyndaǵy suhbat aiasynda Nursultan Nazarbaevtan jeke basqa tabyný týraly surady, - dep habarlaidy Tengrinews.kz.
Qazaqstannyń Tuńǵysh Prezidenti ómirinde Nazarbaev Ýniversitetke ǵana óz atyn berýge kelisim bergenin aitty. Bul, onyń aitýynsha, úkimet nazaryn bilim mekemesine aýdaryp, jastardy tartý úshin jasalǵan.
"Meniń oiymsha, bul - postkeńestik elder ishinde eń úzdik ýniversitet, - dep pikir bildirdi Nursultan Nazarbaev. - Qazir rektory - Dúniejúzilik banktiń burynǵy vitse-prezidenti Shigeo Katsý".
Elbasy Qazaqstandaǵy atyn berýge qatysty basqa bastamalar týraly óz atyn kóshege, mektepterge jáne ózge de nysandarǵa berýge qarsylyǵyn birneshe ret aitqanyn eske saldy.
"Prezident bolǵanymda, bul saqtalatyn. Qala ataýyn ózgertýge kelsek, bul - burynnan kóterilip kele jatqan másele. Bul qala (...) taqyr dalada keiingi 20 jylda salyndy. Eshteńe bolǵan joq. Sizdiń atyńyzdy bermegende kimdikin beremiz, árbir tasyna qolyńyz tidi dep suraǵandar boldy", - dedi Nursultan Nazarbaev.
Rejisser Oliver Stoýn Nur-Sultan QR Tuńǵysh Prezidentiniń eń úlken týyndysy bolǵanyn topshylady.
"El de... tárbielenip shyqqan jańa býyn da", - dep qosty Nazarbaev.
2012 jyly Ermuhamet Ertisbaev (Prezident keńesshisi bolǵanda) "Qazaqstanda jeke basqa tabyný joǵyn, al Nazarbaevtyń abyroiy halqynyń aldynda shyn máninde asqaq" ekenin aitqan edi.
