Qazaqstannyń Tuńǵysh Prezidentine Ortalyqtyń «jasyl» ekonomikany damytý jáne qorshaǵan ortanyń qaýipsizdigin qamtamasyz etý salasyndaǵy jumystarynyń negizgi baǵyttary týraly málimdeldi.
Sondai-aq, Nursultan Nazarbaevqa jel, kún, sý jáne geotermaldy resýrstardyń áleýeti, qatty turmystyq qaldyqtar men biomassa poligondarynyń ornalasýy týraly aqparatty qamtityn tsifrlyq alańnyń úlgisi tanystyryldy.
Nazarbaev ekologiialyq qaýipsizdikti qamtamasyz etýdiń jáne elimizde jańartylatyn energiia kózderin damytýdyń mańyzdylyǵyn atap ótti.
Elbasy qatty turmystyq qaldyqtardy qaita óńdeý salasyna ozyq tehnologiia engizý jáne osy salaǵa investorlar tartý máselelerine basa mán berdi.
Qazaqstannyń Tuńǵysh Prezidenti, sondai-aq, qazaqstandyq joǵary oqý oryndarynyń jańartylatyn energiia kózderi salasyndaǵy perspektivti ázirlemelerimen tanysty.
«Jasyl» tehnologiialardyń jáne investitsiialyq jobalardyń halyqaralyq ortalyǵy» kommertsiialyq emes aktsionerlik qoǵamy «Astana – EKSPO-2017» kórmesiniń infraqurylymy negizinde 2018 jylǵy sáýir aiynda quryldy.
