QR Prezidenti Nursultan Nazarbaev Prezident ákimshiliginde Ulttyq modernizatsiia komiteti qurýdy tapsyrdy. Bul týraly ol Qazaqstan halqyna arnaǵan jyl saiynǵy Joldaýynda málimdedi, dep habarlaidy Baq.kz tilshisi.
«Reformalardy júzege asyrýdy baǵalap, negizgi strategiialyq qujattarǵa monitoring júrgizý úshin Prezident ákimshiliginde Ulttyq modernizatsiia komitetin qurýdy tapsyramyn. Komitet barlyq nusqaýlarǵa monitoring jasap, tekserip, onyń oryndalýyn talap etip jáne maǵan baiandama jasaýy tiis», - dep málimdedi Nazarbaev Qazaqstan halqyna Joldaýynda.
Ol komitettiń basqa da fýnkýialarǵa jaýap beretinin aitty.
«Budan bólek statistikalyq kórsetkishterge monitoring jasap qana qoimai, mańyzdy máseleler boiynsha halyq arasynda saýalnama júrgizetin bolady. Bul keri bailanys retinde jumys isteidi, iaǵni adamdar neni qalaitynyn jáne nege qanaǵattanbaitynyn biletin bolamyz. Mundai tájiribe barlyq EYDU elderinde bar. Komitet maǵan ár baǵyt boiynsha jaǵdailar týraly baiandaityn bolady», - dedi Prezident.
.jpeg)