Sáýle Aitpaeva Bala quqyqtary jónindegi ýákil bolyp taǵaiyndaldy, - dep habarlaidy "Ult aqparat" Aqordaǵa silteme jasap.
Memleket basshysynyń Ókimimen Zaǵipa Iahiiaqyzy Bálievanyń Qazaqstan Respýblikasyndaǵy Bala quqyqtary jónindegi ýákil qyzmetinen bosatylǵany aitylady.
"Memleket basshysynyń Ókimimen Sáýle Muhanbedianqyzy Aitpaeva Qazaqstan Respýblikasyndaǵy Bala quqyqtary jónindegi ýákil qyzmetine taǵaiyndaldy", - delingen habarlamada.
Zaǵipa Bálieva 1958 jyly 3 qazanda Almaty oblysy Kegen aýdany Jalańash aýylynda dúniege kelgen.
Túrli jyldary depýtattyq qyzmette bolǵan. 2005-2009 jyldar aralyǵynda Qazaqstan Respýblikasynyń Ádilet ministri, 2009-2011 jyldary IV sailanǵan Qazaqstan Respýblikasy Parlamenti Májilisiniń depýtaty, Zańnama jáne sot-quqyqtyq reforma komitetiniń múshesi qyzmetinde bolǵan.
2012 jylǵy 20 qańtardan bastap - V sailanǵan Qazaqstan Respýblikasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń múshesi. "Nur Otan" Halyqtyq Demokratiialyq partiiasynyń múshesi, partiialyq tizim boiynsha sailanǵan.
"Qurmet", "Parasat", "Kúmis alqa", ordenderimen, "Qazaqstan Respýblikasynyń Táýelsizdigine 10 jyl", "Qazaqstan Respýblikasynyń Konstitýtsiiasyna 10 jyl", "Qazaqstan Respýblikasynyń Táýelsizdigine 20 jyl" merekelik medaldarymen marapattalǵan.
Turmysta, alty bala jáne nemere tárbielep otyr.
