Memleket basshysy «Nazarbaev Ýniversiteti» derbes bilim berý mekemesiniń prezidenti Shigeo Katsýmen kezdesti, dep habarlaidy "Ult aqparat" Aqordaǵa silteme jasap.
Kezdesýge Prezident Ákimshiliginiń Basshysy Á.Isekeshev, Densaýlyq saqtaý ministri E.Birtanov, «University Medical Center» korporativtik qory basqarmasynyń tóraǵasy J.Jumadilov qatysty.
Elbasyǵa «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty biylǵy joldaýda aitylǵan Astanadaǵy Ulttyq ǵylymi onkologiialyq ortalyq qurylysynyń tujyrymdamasy usynyldy.
Densaýlyq saqtaý ministriniń málimetine sáikes, bul ortalyqtyń qurylys jumystary biyl bastalady. Jańa meditsina mekemesinde qaterli isik aýrýlaryna diagnostika jasap, emdeý úshin ozyq tehnologiia, sonyń ishinde lazerlik, sáýlelik, jasýshaly-immýndi terapiia jáne ózge de zamanaýi ádister qoldanylatyn bolady.
Sonymen qatar, Memleket basshysyna joldaýdaǵy jekelegen baǵyttardy iske asyrýǵa qatysty Nazarbaev Ýniversitetiniń qazirgi jumystary jóninde baiandaldy.
Sh.Katsý Qazaqstan Prezidentine Innovatsiialyq klasterdiń jumys jospary men ýniversitettiń ǵylymi-zerthanalyq kesheniniń iske qosylýy jóninde málimdep, Nazarbaev ziiatkerlik mektepterin damytýdyń birqatar máselelerin atap ótti.
Kezdesý qorytyndysy boiynsha Nursultan Nazarbaev birqatar naqty tapsyrma berdi.
.jpeg)