Ǵylym jáne joǵary bilim ministri Saiasat Nurbek Nazarbaev ýniversiteti aldaǵy ýaqytta óz-ózin qarjylandyrýy kerektigin málim etti, dep habarlaidy Ulysmedia.kz portaly 24.kz arnasyna silteme jasap.
«Qazir óńirlerdi aralap júrmin. Ol jaqtaǵy ýniversitetterdiń jaǵdailary óte nashar. Moiyndaýymyz kerek. Sondyqtan bul mehanizmdi taýysý kerek. Osy jyldan bastap bizdiń basym baǵytymyzdy óńirlik ýniversitetterge baǵyttaimyz. Nazarbaev ýniversitetine berip jatqan jyldyq biýdjetimiz qysqartylady. Osy jyldan bastap biz qysqartamyz. Nege deseńiz, Nazarbaev ýniversitetiniń ózindik qorlary bar. Óte myqty qorlary arqyly aqyryndap, óz-ózderin qarjylandyrýǵa kóshýi kerek», - dedi Saiasat Nurbek Betpe-bet baǵdarlamasynda bergen suhbatynda.
Ministr «biz endi búkil kúshimizdi óńirlik ýniversitetterge salatyn bolamyz» dep málim etti.
