Memleket basshysy Ulybritaniia jáne Soltústik Irlandiia Birikken Koroldiginiń Premer-Ministri Tereza Meige Manchester qalasynda bolǵan terrorlyq aktige bailanysty kóńil aitý jedelhatyn joldady, - dep habarlaidy "Ult aqparat" Aqordaǵa silteme jasap.
Jedelhatta «Manchester Arena» stadionyndaǵy jarylystar saldarynan kóptegen adamnyń qaza bolǵany týraly habardy Nursultan Nazarbaevtyń zor kúizelispen qabyldaǵany aitylǵan.
Búginde terrorizmniń etek alýy barlyq memleketter úshin ortaq qaýip-qaterge ainalyp otyr. Qazaqstan halyqaralyq qaýipsizdikke qater tóndiretin terrorizm men ekstremizmniń kez kelgen túrin qatań aiyptaidy.
«Búkil Ulybritaniia halqyna, qaiǵyly oqiǵa qurbandarynyń otbasylary men jaqyndaryna Qazaqstan halqynyń jáne jeke ózimniń atymnan qaiǵylaryna ortaqtasyp, kóńil aitamyn. Zardap shekkenderdiń tezirek saýyǵyp ketýine tilektespin», – delingen jedelhatta.
