Nursultan Nazarbaev Ulttyq ǵylym akademiiasynyń prezidenti Murat Jurynovty qabyldady, dep habarlaidy "Ult aqparat" Elbasynyń resmi saityna silteme jasap.
Kezdesý barysynda Qazaqstannyń Tuńǵysh Prezidentine Ulttyq ǵylym akademiiasynyń qazirgi qyzmeti men ǵylym salasyndaǵy halyqaralyq yntymaqtastyqty damytý boiynsha qabyldanyp jatqan sharalar týraly málimet berildi.
– Biz halyqaralyq alianstarǵa kirý baǵytynda jumys istep jatyrmyz. Jas ǵalymdarymyz seriktes elderde tájiribeden ótýge múmkindik alatyn kelisimder jasalýda, - dedi M.Jurynov.
Sonymen qatar, Nursultan Nazarbaevqa «Beldeý jáne jol» halyqaralyq ǵylymi uiymdary aliansy aiasyndaǵy QR Ulttyq ǵylym akademiiasynyń qyzmeti týraly aqparat usynyldy.
– Byltyr Beijińde álemniń 47 jetekshi eliniń akademiialary kiretin ǵylymi uiymdardyń eń iri aliansy quryldy. Biz de osy birlestiktiń bir bóligine ainaldyq. Osylaisha, ǵalymdarymyz túrli baǵyttarda iri jobalarmen jumys isteýge qosymsha múmkindik aldy, - dedi M.Jurynov.
