Búgin Astanada Nazarbaev Ortalyǵynda Astana klýbynyń úshinshi otyrysy jumysyna QR Prezidenti Nursultan Nazarbaev qatysyp otyr. Eýraziia qurlyǵynyń naq ortasynda otyrǵan elimiz úshin “Úlken Eýraziia: teketires nemese seriktestik” taqyrybynda ótip jatqan otyrystyń mańyzdy ekenin aitty, dep xabarlaidy Baq.kz tilshisi.
“Jyl saiyn ótetin úshinshi Astana klýbynyń otyrysynda kórgenime qýanyshtymyn. Sarapshylardyń otyrysy barysynda úlken Eýraziia qurlyǵyndaǵy elderdiń bolashaǵy máselesin ashyq talqylaityn bolamyz. Qurlyqtyń naq ortasynda otyrmyz, sondyqtan da sizderdiń pikirlerińiz biz úshin mańyzdy. Búgin osy otyrysqa ataqty sarapshylar, bedeldi diplomattar, saiasatkerler, burynǵy memleket basshylary qatysyp otyr. Olardyń barlyǵymen ártúrli kezeńde jumys istedim. Bolyp jatqan protsessterge olardyń árqaisysynyń derbes kózqarasy bar.Biz sarapshylardyń pikirin tyńdaýymyz qajet”, - dedi QR Prezidenti Nursultan Nazarbaev.
Aita ketsek, alǵash ret klýb jumysyna eń joǵary deńgeili saiasatkerler – eks-memleket basshylary Abdolla Gúl (Túrkiia), Vatslav Kaýs (Chexiia), Danilo Tiýrk (Sloveniia) qatysýda.
Astana klýby sessiialaryna jahandyq sarapshylar qaýymdastyqtyń iri tulǵalary – Djordj Fridman (Statfor negizin qalaýshy), Endriý Kachins (Djordjtaýn ýniversitetib AQSh), edvard Liýttvak (Strategiialyq jáne xalyqaralyq zertteýler ortalyǵy, AQSh), Fredrik Starr (Djons Hopkins ýniversiteti, AQSh) jáne t.b qatysyp otyr.
“Qazaqstan qazirgi kezeńde óziniń damýynyń ekinshi shirek ǵasyryna ótti. Elimiz búginde xalyqaralyq alań bolyp tabylady. Ózekti máselelerdi qarastyryp, talqylaýdamyz. Osy jazda arnaiy mamandandyrylǵan EKSPO-2017 kórmesi ótken bolatyn. 115 el men 29 xalyqaralyq uiym qatysty. 4 millionnan astam adam tamashalady. Álemde toleranttylyq, uiymdasý, jahandyq máselelerdi sheshý ózara seriktestik filosofiiasyna tán, ásirese Siriiaǵa, iadrolyq qarýǵa qatysty órkenietter arasyndaǵy dialog ekonomikalyq áleýmettik kún tártibin ázirleý bolyp tabylady”, - dedi memleket basshysy.
QR Prezidenti Qazaqtannyń BUU-nyń Qaýipsizdik keńesiniń turaqty emes múshesi ekenin, 1 qańtardan bastap jumysqa kirisetinin atap ótti. Osyǵan orai búgingi otyrysta álemde bolyp jatqan ózgeristerdi talqylaitynyn aitty.
Eske sala ketsek, búgin elordamyzda Nazarbaev Ortalyǵynda Astana klýbynyń úshinshi otyrysy jumysyn bastady. Halyqaralyq pikirtalas alańyna 27 elden 60-tan astam qatysýshy kelgen.
