Elbasy Nursultan Nazarbaev Qazaqstan halqy Assambleiasy Tóraǵasynyń orynbasary, Assambleia hatshylyǵynyń meńgerýshisi Janseiit Túimebaevty qabyldady, dep habarlaidy "Ult aqparat".
Kezdesýde Qazaqstan Respýblikasyń Tuńǵysh Prezidentine Qazaqstan halqy Assambleiasynyń XVII sessiiasyna daiyndyq barysy týraly baiandaldy.
Elbasy aldaǵy is-sharany joǵary deńgeide uiymdastyrýdyń mańyzdylyǵyn aityp, Qazaqstan halqy Assambleiasynyń aldaǵy 25 jyldyǵyn merekeleýge ýaqtyly ázirlik jumystaryn júrgizý qajettigin atap ótti.
– Kelesi jyly biz Qazaqstan halqy Assambleiasynyń 25 jyldyǵyn atap ótýdi josparlap otyrmyz. Assambleianyń mereitoiyn ortalyqta da, barlyq óńirde de joǵary deńgeide ótkizýimiz kerek. Kelisim, turaqtylyq, halyqtar dostyǵy, túrli etnikalyq toptar, dini konfessiialar arasyndaǵy ózara qurmet memleketimizdiń jáne damýymyzdyń negizi sanalady. Bul josparlanǵan is-sharanyń negizi bolýǵa tiis, – dedi Nursultan Nazarbaev.
Kezdesý sońynda Qazaqstannyń Tuńǵysh Prezidenti birqatar naqty tapsyrma berdi.
