Memleket basshysy Nursultan Nazarbaev Túrkistan oblysynyń ákimi Janseiit Túimebaev pen óńir turǵyndaryna alǵys hat joldady, dep habarlaidy QazAqparat tilshisi.
Hatta Elbasy Astanany kórkeitýge qosqan úlesi úshin Túrkistan oblysynyń ákimi men óńir turǵyndaryna shynaiy rizashylyǵyn bildirgen.
«Óńirlerdiń Astanaǵa tartýy» jobasy aiasynda Túrkistan oblysy da elordaǵa erekshe syi jasady. Uzaq qashyqtyqty qamtityn jáne tolyq jabdyqtalǵan velosiped jolaǵy adamdarǵa arnalǵan qaladaǵy zamanaýi ortanyń mańyzdy quramdas bóligi sanalady. Bul velosiped jolaǵy salamatty ómir saltyn nasihattap, elordada jappai sportpen shuǵyldaný úrdisin damytýǵa septigin tigizetin bolady. Astanany kórkeitýge zor úles qosqan Sizge jáne óńir turǵyndaryna shynaiy rizashylyǵymdy bildiremin», - delingen alǵys hatta.
Aita keteiik, Astananyń 20 jyldyǵyna orai birqatar oblystardyń atsalysýymen elordada jańadan 56 shaqyrym velojol salynǵan bolatyn. «Óńirlerdiń Astanaǵa tartýy» jobasy aiasynda Esil ózeniniń jaǵalaýynan D.Qonaev kóshesindegi kópirge deiingi aralyqta júrgizilgen velosiped joly Túrkistan oblysynyń atsalysýymen júzege asqan bolatyn. Bul jol Esil ózeniniń boiy men sol jaǵalaýy jáne EKSPO kesheniniń nysandary arqyly ótedi. Ol qalalyq saiabaqtaǵy shańǵy jáne rolikke arnalǵan jol men Ilinka kentinen «jasyl beldeý» arqyly ótetin velosiped jolaqtaryn bailanystyrady. Velotrekter arnaiy ústeldermen, turaqtarmen, wi-fi jáne telefondy qýattaý múmkindigi qarastyrylǵan «aqyldy infraqurylymmen» jabdyqtalǵan.
.jpeg)