Nursultan Nazarbaev Qazaqstan halqy Assambleiasy Tóraǵasynyń orynbasary, Assambleia hatshylyǵynyń meńgerýshisi Janseiit Túimebaevty qabyldady, dep habarlaidy "Ult aqparat" Aqordaǵa silteme jasap.
Kezdesýde Qazaqstannyń Tuńǵysh Prezidentine Assambleianyń qazirgi qyzmeti jáne HHVII sessiiada aitylǵan mindetterdi júzege asyrý úshin qolǵa alynyp jatqan sharalar týraly málimdeldi.
Nursultan Nazarbaev Assambleianyń turaqtylyqty saqtaý jáne qoǵamnyń birligin nyǵaitý úshin atqarylyp jatqan jumystardyń mańyzdylyǵyn atap ótti.
– Qazaqstan halqy Assambleiasy qoǵamdy biriktiretin qurylym. Ár óńirde kishi assambleialar jumys isteýde, dostyq úileri ashyldy. Qazir elimiz úshin turaqtylyqtyń mańyzy zor. Turaqtylyq bolmasa, barlyq jetistikterimizden aiyrylamyz. Sondyqtan, Qazaqstan halqy Assambleiasynyń basty mindeti – halyqtyń birligin nyǵaitý úshin qoǵamdy jumyldyrý, – dedi Elbasy.
J.Túimebaev etnomádeni birlestikterdiń Qazaqstan Respýblikasynyń Tuńǵysh Prezidentine beibitshilik pen kelisimdi saqtaǵany, sondai-aq el ekonomikasyn damytý isindegi jetistikteri úshin zor rizashylyq bildiretinin atap ótti.
