Qazaqstan Prezidenti «AQSh – Islam álemi» sammiti aiasynda birqatar memleketterdiń basshylarymen jáne delegatsiia jetekshilerimen kelissózder júrgizdi, dep habarlaidy "Ult aqparat" Aqordaǵa silteme jasap.
Memleket basshysy «AQSh – Islam álemi» sammiti aiasynda birqatar memleketterdiń basshylarymen jáne delegatsiia jetekshilerimen qysqa kelissózder ótkizdi. Atap aitqanda, Nursultan Nazarbaev AQSh Prezidenti Donald Tramppen áńgimelesti. Áńgime barysynda ekijaqty ózara is-qimyldyń negizgi baǵyttary, sonyń ishinde saýda-ekonomikalyq, saiasi jáne mádeni-gýmanitarlyq salalardaǵy bailanystardy tereńdetý perspektivasy talqylandy. Eki el prezidentteri kún tártibindegi halyqaralyq máseleler jóninde de pikir almasty.
Sonymen qatar, Qazaqstan Prezidenti memleketaralyq yntymaqtastyqtyń túrli máseleleri jóninde Kýveit memleketiniń Ámiri Sabah ál-Ahmad ál-Djaber as-Sabahpen, Katar Ámiri sheih Tamim ben Hamad Ál Tanimen, Bahrein Koroli Hamad ben Isa Ál Halifamen, Abý-Dabidiń taq murageri, Birikken Arab Ámirlikteri Qarýly kúshteri Joǵarǵy Bas qolbasshysynyń orynbasary, sheih Muhammed ben Zaid Ál Nahaianmen, Iemenniń Prezidentimen, Mavritaniia Prezidenti Mohammed ýld Ábdel-Ázizben, Pákistannyń Premer-Ministri N.Sharifpen pikirlesti.
Nursultan Nazarbaev Islam yntymaqtastyq uiymynyń Bas hatshysy Iýsef ben Ahmed ál-Ýsaiminmen ózara is-qimyldyń keibir aspektilerin talqylady.
