Qazaqstan Prezidenti Amerika Qurama Shtattarynyń Prezidenti Donald Trampqa kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Nursultan Nazarbaev Las-Vegas qalasynda bolǵan atys saldarynan kóptegen adamnyń qazaǵa ushyraǵany jáne zardap shekkeni týraly habardy zor kúizelispen qabyldady.
«Biz osynaý syn saǵattarda AQSh halqymen birge ekenimizdi jetkizgim keledi. Jeke ózimniń jáne barsha Qazaqstan halqynyń atynan qaza bolǵandardyń týystary men jaqyndaryna, sondai-aq dostas Amerika Qurama Shtattarynyń halqyna kóńil aityp, zardap shekkenderdiń tezirek saýyǵyp ketýine tilektestik bildiremin», – delingen jedelhatta.
Aita ketsek, 1 qazan kúni Las-Vegastaǵy mýzyka festivalinde atys boldy. Nátijesinde 59 adam qaza taýyp, 500-den asa adam zardap shekti.
