Memleket basshysy Nursultan Nazarbaev qazaqstandyqtardy dúrkiretip toi ótkizgenshe, sol aqshany jastarǵa baspana alý úshin berýge shaqyrdy. Bul týraly prezident Astanada ótip jatqan Qazaqstan halqy Assambleiasynyń XXVI sessiiasynda aitty, dep habarlaidy Sputnik Qazaqstan tilshisi.
Qazaqstan halqy Assambleiasynyń sessiiasynda Ulttyq bank tóraǵasy Daniiar Aqyshev "7-20-25" jańa turǵyn úi baǵdarlamasynyń sharttary týraly baiandady.
"Shymkentte 200-500 adamǵa shaqtalǵan qanshama toihanalar salyndy. Toi ótkizýge jumsaǵan aqshany jastarǵa baspana alýǵa berý kerek. Bul eń jaqsy syilyq", — dedi Nazarbaev.
"Baǵdarlama boiynsha alǵashqy jarna burynǵydai 50 paiyz emes, 20 paiyz. Qalǵan 80 paiyzdy bank 25 jylǵa beredi", — dedi prezident.
Aita keteiik, prezident Nursultan Nazarbaev "7 – 20 – 25" jańa turǵyn úi baǵdarlamasyn usynǵan edi. Jumys isteitin árbir qazaqstandyq tómendegidei sharttar boiynsha teńgemen nesie alý múmkindigine ie bolady. Nesie ósiminiń mólsherlemesi qazirgidei 14-16 emes, jylyna 7 protsentten aspaidy. Qazir bankter bastapqy jarnaǵa baspana qunynyń 30 protsentine deiin, keide tipti 50 protsentin salýdy talap etse, bul baǵdarlama boiynsha ol 20 protsentten aspaýǵa tiis. Nesie alýshynyń ai saiynǵy tólemin azaitý úshin onyń merzimi 10-15 emes, 25 jylǵa deiin bolady.
