مەملەكەت باسشىسى نۇرسۇلتان نازارباەۆ قازاقستاندىقتاردى دٷركٸرەتٸپ توي ٶتكٸزگەنشە, سول اقشانى جاستارعا باسپانا الۋ ٷشٸن بەرۋگە شاقىردى. بۇل تۋرالى پرەزيدەنت استانادا ٶتٸپ جاتقان قازاقستان حالقى اسسامبلەياسىنىڭ XXVI سەسسيياسىندا ايتتى, دەپ حابارلايدى Sputnik قازاقستان تٸلشٸسٸ.
قازاقستان حالقى اسسامبلەياسىنىڭ سەسسيياسىندا ۇلتتىق بانك تٶراعاسى دانييار اقىشەۆ "7-20-25" جاڭا تۇرعىن ٷي باعدارلاماسىنىڭ شارتتارى تۋرالى باياندادى.
"شىمكەنتتە 200-500 ادامعا شاقتالعان قانشاما تويحانالار سالىندى. توي ٶتكٸزۋگە جۇمساعان اقشانى جاستارعا باسپانا الۋعا بەرۋ كەرەك. بۇل ەڭ جاقسى سىيلىق", — دەدٸ نازارباەۆ.
"باعدارلاما بويىنشا العاشقى جارنا بۇرىنعىداي 50 پايىز ەمەس, 20 پايىز. قالعان 80 پايىزدى بانك 25 جىلعا بەرەدٸ", — دەدٸ پرەزيدەنت.
ايتا كەتەيٸك, پرەزيدەنت نۇرسۇلتان نازارباەۆ "7 – 20 – 25" جاڭا تۇرعىن ٷي باعدارلاماسىن ۇسىنعان ەدٸ. جۇمىس ٸستەيتٸن ەربٸر قازاقستاندىق تٶمەندەگٸدەي شارتتار بويىنشا تەڭگەمەن نەسيە الۋ مٷمكٸندٸگٸنە يە بولادى. نەسيە ٶسٸمٸنٸڭ مٶلشەرلەمەسٸ قازٸرگٸدەي 14-16 ەمەس, جىلىنا 7 پروتسەنتتەن اسپايدى. قازٸر بانكتەر باستاپقى جارناعا باسپانا قۇنىنىڭ 30 پروتسەنتٸنە دەيٸن, كەيدە تٸپتٸ 50 پروتسەنتٸن سالۋدى تالاپ ەتسە, بۇل باعدارلاما بويىنشا ول 20 پروتسەنتتەن اسپاۋعا تيٸس. نەسيە الۋشىنىڭ اي سايىنعى تٶلەمٸن ازايتۋ ٷشٸن ونىڭ مەرزٸمٸ 10-15 ەمەس, 25 جىلعا دەيٸن بولادى.
