Nursultan Nazarbaev Táýelsiz Memleketter Dostastyǵyna múshe elder basshylary keńesiniń otyrysyna qatysty, "Ult aqparat" Aqordaǵa silteme jasap.
Otyrysta Memleket basshysy TMD aiasyndaǵy qarym-qatynastardy nyǵaitý men damytý úshin atqarylǵan jumystardyń nátijelerine toqtaldy.
Nursultan Nazarbaev uiymdy reformalaý jáne Dostastyqtyń tujyrymdamalyq qujattaryn jańartý jolynda qolǵa alynyp jatqan sharalardyń tiimdiligin atap ótti.
Qazaqstan Prezidenti memleketaralyq qatynastardy odan ári tereńdetýge septigin tigizetin birqatar perspektivti baǵyttarǵa nazar aýdardy.
Atap aitqanda, Memleket basshysy TMD-nyń ekonomikalyq negizin nyǵaitý jáne elder arasyndaǵy saýda kedergilerin joiýǵa baǵyttalǵan sharalar qabyldaý qajettigi týraly aitty.
Sondai-aq, Nursultan Nazarbaev saýda-ekonomikalyq qatynastardy keńeitý jáne TMD-ǵa múshe barlyq elderdiń kólik-tranzit áleýetin paidalaný jónindegi máselelerge toqtaldy.
Qazaqstan Prezidenti ǵylymi-ǵarysh, tsifrlandyrý jáne týrizm salalaryndaǵy birlesken jobalardy iske asyrýǵa nazar aýdardy.
Memleket basshysy Qazaqstanda qurylǵan «Astana» halyqaralyq qarjy ortalyǵynyń erekshelikteri jóninde áńgimelep, TMD-ǵa múshe elderdiń bárin Qarjy ortalyǵynyń jumysyna belsendi atsalysýǵa shaqyrdy.
