Qazaqstan Respýblikasynyń Tuńǵysh Prezidenti Nursultan Nazarbaev Tájikstan Respýblikasynyń Prezidenti Emomali Rahmonmen telefon arqyly sóilesti, dep habarlaidy "Ult aqparat" Aqordaǵa silteme jasap.
Áńgimelesý barysynda Tájikstan Prezidenti Nursultan Nazarbaevtyń jahandyq deńgeide moiyndalǵan saiasatker retinde táýelsiz Qazaqstannyń damýyna, sondai-aq óńirdegi jáne álemdegi turaqtylyq pen qaýipsizdikti nyǵaitýǵa ólsheýsiz úles qosqanyn atap ótti.
Emomali Rahmon Tájikstan halqy Qazaqstannyń Tuńǵysh Prezidentiniń Qazaqstan-Tájikstan strategiialyq seriktestigin ilgeriletýdegi tarihi rólin joǵary baǵalaitynyn aitty.
Tájikstan Prezidenti Emomali Rahmon Nursultan Nazarbaevqa zor densaýlyq jáne aldaǵy qyzmetine tabys tiledi.
Taraptar aldaǵy ýaqytta turaqty bailanystaryn jalǵastyra berýge ýaǵdalasty.
