Prezident Nursultan Nazarbaev Imanǵali Tasmaǵambetovtiń qyzmetiniń aýysýyn túsindirdi, dep habarlaidy QazAqparat.
Memleket basshysy aldymen elde sońǵy ýaqyttary oryn alǵan aýys-túiisterge toqtaldy.
«Keibir kadrlyq aýys-túiister oryn aldy. «Báiterek» qorynda zań buzýshylyq pen qarjylyq tártip boiynsha tergeý júrgizilip jatqandyqtan, onyń burynǵy basshylyǵy men Ulttyq ekonomika ministri qyzmetterinen bosatyldy. Soǵan bailanysty, ministrlik basshylyǵyna Timýr Súleimenov taǵaiyndaldy, óte bilimdi, daiyndyǵy myqty, shetelde joǵary bilim alǵan, aǵylshyn tilin igergen. Timýr Súleimenov Máskeýde Eýraziialyq ekonomikalyq odaqta qyzmet etti. Menińshe, bul tańdaý jaman tańdaý emes. Densaýlyq saqtaý ministrliginiń aldynda úlken mindetter turǵandyqtan, Áleýmettik damý ministrligi men Densaýlyq saqtaý ministrlikterin bólýdi sheshtik. Ministr bolyp Eljan Birtanov taǵaiyndaldy. Ol da jas, daiyndalǵan, myqty mektepten ótken azamat, Densaýlyq saqtaý ministrleriniń orynbasarlyǵyna eki márte taǵaiyndalǵan. Meditsina mamany jáne menedjer retinde meditsinalyq saqtandyrý qoryn qurý isin jaqsy qolǵa alyp, halyqqa túsindirý jumystaryn oidaǵydai ótkizedi degen senimdemin. Bul ár azamatqa tiimdi dep sanaimyn. Ol ministrlikte tártip ornatady degen oidamyn», - dedi Elbasy.
Sonymen qatar Prezident Marat Tájinniń Astanaǵa oralýyna, Tasmaǵambetovtiń Reseidegi Qazaqstan elshiligine aýysýyna qatysty pikir bildirdi.
«Taǵy bir úlken aýys-túiis oryn aldy, Reseidegi Qazaqstan elshisi qyzmetinen bosatyldy. Marat Tájin Prezident apparatyna ótti. Osyǵan orai, menimen birge kóp jyldar boiy qyzmet etken Imanǵali Tasmaǵambetovti Qazaqstan elshisi etip taǵaiyndadym. Ol ózi dál osy qyzmetke, naq osy Reseidegi elshilikti basqarýǵa surandy. Menińshe, bul jaqsy sheshim, sebebi Máskeý bizdiń eń basty seriktesimiz, jaqyn kórshimiz ben odaqtasymyz. Ol jerde bedeldi, Qazaqstandaǵy jáne Reseidegi jaǵdaidy biletin adam otyrýy tiis. Men osynyń barlyǵy bizdiń isimizdiń, elimizdiń igiligine jaraidy dep oilaimyn», - dedi Memleket basshysy.
Aita keteiik, Prezidenttiń Jarlyǵymen Imanǵali Nurǵaliuly Tasmaǵambetov basqa jumysqa aýysýyna bailanysty Qazaqstan Respýblikasy Premer-Ministriniń orynbasary qyzmetinen bosatyldy.
Memleket basshysy Úkimettiń keńeitilgen otyrysynan soń Imanǵali Tasmaǵambetovty Qazaqstan Respýblikasynyń Resei Federatsiiasynyndaǵy Tótenshe jáne ókiletti elshisi qyzmetine taǵaiyndaý jóninde sheshim qabyldaǵandyǵyn jariia etti.
