Memleket basshysy Nursultan Nazarbaev Slovakiia Respýblikasynyń Premer-Ministri Peter Pellegrinimen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda taraptar Qazaqstan men Slovakiia arasyndaǵy qarym-qatynastardyń ózekti máselelerin jáne saýda-ekonomikalyq yntymaqtastyqty damytý perspektivalaryn talqylady.
Memleket basshysy Slovakiia Premer-Ministriniń bul sapary memleketaralyq bailanystyrdy odan ári nyǵaitýǵa jáne ekonomikanyń túrli salalaryndaǵy yqpaldastyqty tereńdetýge serpin beretinin atap ótti.
– Elderimiz arasynda jaqsy qarym-qatynas ornaǵan. Saparyńyzdyń barysynda Premer-Ministr B.Saǵyntaevpen kezdesý ótkizdińiz. Sizben birge Qazaqstanǵa biznes ókilderi de kelipti. Osy saparyńyz ózara bailanystarymyzdy damytýǵa jańasha jol ashady dep oilaimyn, – dedi Nursultan Nazarbaev.
P.Pellegrini elimizdiń álemde memleketaralyq dialog ornatý isindegi mańyzdy róli jóninde aitty.
– Qazaqstannyń halyqaralyq qatynastar salasyndaǵy bedeli zor. Kóptegen halyqaralyq máselelerdi sheshý jolyndaǵy Qazaqstannyń turaqtandyrýshy rólin joǵary baǵalaimyz, – dedi Slovakiia Respýblikasynyń Premer-Ministri.
Sonymen qatar, P.Pellegrini eki memleket arasyndaǵy saýda-ekonomikalyq qatynastardy órkendetýdiń mańyzdylyǵyn atap ótip, agroónerkásip jáne indýstriia sektorlarynda, kólik-logistika salasynda, sonyń ishinde «Bir beldeý, bir jol» bastamasynyń aiasynda yntymaqtastyqty damytýǵa múddeli ekenin aitty.
