Shanhai yntymaqtastyq uiymy «Shanhai segizdigine» ainalady. Bul týraly búgin elordada ótip jatqan ShYU-ǵa múshe memleketter basshylary keńesiniń keńeitilgen otyrysynda QR Prezidenti Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
«Biz úshin uiymymyz aiasyndaǵy praktikalyq yntymaqtastyqty ilgeriletý boiynsha múmkindigi zor qadamdardy ázirleý mańyzdy. Halyqaralyq jáne óńirlik máseleler boiynsha pikir almasý da paidaly bolady. Osydan 12 jyly buryn dál osy Astanada eki elge, Úndistan men Pákistanǵa uiymymyzdyń baiqaýshysy mártebesin berý týraly sheshimge qol qoiylýynyń simvoldyq máni bar. Bizdiń otyrysymyzdyń mańyzdylyǵy uiymyzǵa bul elder kirgeli otyr, uiymymyz keńeiýde. Endigi ýaqytta ShYU-nyń jaýapkershilik aimaǵy úsh milliardtan astam adam turatyn aýmaqty, álemniń jalpy ishki óniminiń shamamen úshten birin qamtityn bolady. Osylaisha, uiym óziniń institýttyq damýynyń «Shanhai segizdigi» retindegi jańa kezeńine aiaq basty», - dedi Nursultan Nazarbaev.
Memleket basshysy búginde ShYU-ǵa irgeles birqatar óńirdegi jaǵdaidyń ýshyǵýyna, geosaiasi shielenistiń artýyna kýá bolyp otyrǵanymyzdy atap ótti.
«Osyǵan bailanysty bizdiń keńesimizdiń ShYU-ǵa múshe memleketter basshylarynyń halyqaralyq terrorizmge birlese qarsy turý týraly málimdemesin qabyldaý bastamasy der kezinde kóterilgen qadam bolmaq. Búgin biz qol qoimaq bolyp otyrǵan ekstremizge qarsy is-jimyl jónindegi ShYU konventsiiasynyń da ózektiligin atap ótkim keledi. Bizdiń elderimizdiń qorǵanys vedomstvolarynyń tiimdi ózara is-qimylyn arttyrýǵa, praktikalyq yntymaqtastyǵyn nyǵaitýǵa «Beibit missiia» terrorizmge qarsy birlesken oqý-jattyǵýy aitarlyqtai úles qosady», - dedi Elbasy.
Qazaqstan Prezidenti ótken kezeń ishinde ShYU túrli halyqaralyq birlestiktermen yntymaqtastyqty nyǵaitý boiynsha da zor jumystar júrgizgenin aitty.
«2016 jyldyń qarashasynda BUU Bas assambleiasynyń ShYU-men yntymaqtastyq jónindegi qarary qabyldandy. ShYU men BUU-nyń transulttyq esirtki qylmysyna qarsy kúres máseleleri jónindegi joǵary deńgeidegi birlesken is-sharalarynyń qorytyndysyn qoldaimyz. ShYU men Qyzyl krest halyqaralyq komiteti qarym-qatynasyn rásimdeýdiń keleshegi zor kórinedi. Sonymen qatar ShYU-nyń EAEO-men, IYU-men ózara is-qimylyn jolǵa qoiýǵa qoldaý bildiremiz. Bul jaiynda búgin memleket basshylary shaǵyn quramdaǵy otyrysta aitty», - dedi Nursultan Nazarbaev.
Aita keteiik, keńeitilgen quramdaǵy otyrysqa QR Prezidenti Nursultan Nazarbaev, QHR Tóraǵasy Si Tszinpin, Ózbekstan Prezidenti Shavkat Mirzieev, Qyrǵyzstan Prezidenti Almazbek Atambaev, Resei Prezidenti Vladimir Pýtin, Tájikstan Prezidenti Emomali Rahmon, ShYU baiqaýshy memleketteriniń basshylary: Aýǵanstan Prezidenti Ashraf Gani Ahmadzai, Mońǵoliia Prezidenti Tsahiagiin Elbegdorj, Belarýs Prezidenti Aleksandr Lýkashenko men Iran Islam Respýblikasy Syrtqy ister ministriniń orynbasary Ibragim Rahimpýrdyń, Úndistan Premer-Ministri Narendra Modi men Pákistan Islam Respýblikasynyń Premer-Ministri Mýhamad Navaz Sharif, ShYU bas hatshysy Rashid Alimov, ShYU Óńirlik lańkestikke qarsy qurylymy atqarýshy komitetiniń direktory Evgenii Sysoev, BUU Bas hatshysy Antoniý Gýtterish, Aziiadaǵy ózara yqpaldastyq jáne senim sharalary keńesiniń atqarýshy direktory Gýn Tszianvei, TMD atqarýshy komitetiniń tóraǵasy, atqarýshy hatshysy Sergei Lebedev, Ujymdyq qaýipsizdik shart uiymy bas hatshysynyń orynbasary Amanjol Janquliev, Ońtústik-Shyǵys Aziia memleketteri qaýymdastyǵynyń bas hatshysy Le Lyong Min qatysýda.
