Nazarbaev ShYU aimaǵynda erkin saýda ortalyǵyn ashýdy usyndy, - dep habarlaidy kaz.tengrinews.kz tilshisi. Astanada Shanhai yntymaqtastyq uiymyna múshe elderdiń kóshbasshylarynyń qatysýymen sammit ótip jatyr.
Qazaqstan Prezidenti óz sózinde ShYU jumysyndaǵy basty baǵyttardy atap ótti. Nursultan Nazarbaev Shanhai uiymy aiasynda ekonomikalyq kopperatsiialardy damytýǵa asa nazar aýdardy.
"Bul úshin institýtsionaldyq múmkindikter qurylyp jatyr. Birinshiden, ShYU aiasynda halyqaralyq avtomobildi tasymaldaý máselesi sheshildi. Ekinshiden, óńirlik ekonomikalyq saýda yntymaqtastyǵy Eýraziialyq ekonomikalyq odaǵynyń "Jibek joly ekonomikalyq beldeý" baǵdarlamasy boiynsha iske asyrylyp jatyr. Osy baǵytta Qazaqstan "Nurly jol" jáne "Jibek joly ekonomikalyq beldeý" baǵdarlamalaryn belsendi túrde iske asyryp jatyr. Ózara saýda kólemi ShYU aýmaǵynda erkin saýda aimaǵyna sebep bolady. Bul jerde bizdiń elder kezeńdep alǵa jyljidy, sonymen qatar, ekonomikalyq jaǵynan áser etý jobalaryn iske asyrady", - QR Prezidenti Nursultan Nazarbaev.
Astanada ótip jatqan sammit qonaqtaryn qarsy ala otyryp, Qazaqstan Prezidenti Shanhai yntymaqtastyq uiymynyń qalai qurylǵanyn eske aldy. Biyl ShYU-ǵa 16 jyl tolady.
Aita keteiik, 8 maýsymda ShYU músheleri resmi saparmen Qazaqstanǵa kelgen bolatyn. Nursultan Nazarbaev olardyń keibireýlerimen jeke kezdesip úlgerdi. Sol kúni keshki ýaqytta qonaqtar "Astana Opera" teatryna Shanhai yntymaqtastyq uiymynyń kóshbasshylarmen otyrys ótkizýge arnalǵan kontsertke shaqyryldy.
Osy kezdesýdiń negizgi maqsaty - Úndistan men Pákistannyń osy uiymǵa kirýi. Olar Shanhai yntymaqtastyq uiymynyń tolyq quqyly múshesi bolady. Aita keteiik, Nursultan Nazarbaev jaqynda osy elderdiń premer-ministrlerimen kezdesken bolatyn. Qazaqstan Prezidenti Úndistan men Pákistannyń ShYU-ǵa kirý protsesi osydan 12 jyl buryn bastalǵanyn aityp ótken edi.
ShYU-ǵa múshe memleket basshylarynyń 17-shi Keńesinde birqatar qujat qabyldanady dep josparlanǵan. Memleket basshylary Astana deklaratsiiasyna qol qoiady, ShYU-nyń ekstremizmge qarsy is-qimyl Konventsiiasy qabyldanady. Jalpy alǵanda 11 qujatqa qol qoiylady.
Kelissózder keńeitilgen quramda da, jeke quramda da ótedi delinedi. Sondai-aq, memleket basshylarynyń ShYU jaǵdaiyna baǵa berip, mindetterdi bekitip, uiymnyń damý perspektivalaryn anyqtaidy.
Al keshke jaqyn sammittiń barlyq qatysýshysy EXPO-2017 halyqaralyq kórmeniń ashylý saltanatynyń qonaqtary bolady.
